ஷங்கர், ஏ.ஆர்.ரகுமான், விக்ரம் ஆகியோரின் மகன்களான அர்ஜித், அமீன், துருவ் ஆகியோர் ஒன்றாக இருக்கும் புகைப்படம் சமூக வலைதளங்களில் வைரலாகி வருகிறது.
பிரபல இசையமைப்பாளர் ஏ.ஆர்.ரகுமானின் மகன் ஏ.ஆர்.அமீன், தந்தையைப் போன்றே இசையில் அதிகம் ஆர்வம் காட்டி வருகிறார். ஓ காதல் கண்மணி, 2.0 உள்ளிட்ட படங்கள் மற்றும் சுயாதீன ஆல்பங்களில் தனது தந்தையின் இசையில் பாடியுள்ளார். சமூகவலைதளத்திலும் ஆக்டிவ்வாக இருக்கும் அமீனுக்கு இன்ஸ்டாகிராமில் 1 லட்சத்துக்கும் அதிகமான பாலோவர்கள் இருக்கிறார்கள்.
இந்நிலையில் இன்ஸ்டாகிராமில் ஏ.ஆர்.அமீன் பதிவிட்டிருக்கும் புகைப்படம் வைரலாகி வருகிறது. அதில் நடிகர் விக்ரமின் மகன் துருவ், இயக்குநர் ஷங்கரின் மகன் அர்ஜித், ஆகியோருடன் அமீன் அமர்ந்துள்ளார். இந்தப் புகைப்படத்திற்கு லைக்ஸ் குவித்து வருகிறது.
இயக்குநர் ஷங்கர், ஏ.ஆர்.ரகுமான், விக்ரம் ஆகியோர் ‘ஐ’ படத்தில் ஒன்றாக பணியாற்றி இருந்தனர். திரைத்துறையில் வெற்றிக்கூட்டணியாக இருக்கும் இவர்களின், அடுத்த தலைமுறையும் நட்பாக பயணிப்பதை உணர்த்துவதாக இந்தப் புகைப்படம் அமைந்திருக்கிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
