பிக்பாஸ் நிகழ்ச்சி மூலம் பிரபலமான நடிகர் ஆரவ்வுக்கும், கவுதம் மேனன் படத்தில் ஹீரோயினாக நடித்துள்ள ராஹிக்கும் திருமணம் நடைபெற இருப்பதாக கூறப்படுகிறது.
கமல் தொகுத்து வழங்கிய பிக்பாஸ் நிகழ்ச்சி மூலம் பிரபலமானவர் ஆரவ். ஓ காதல் கண்மணி, சைத்தான் ஆகிய படங்களில் சிறிய வேடத்தில் நடித்திருந்த ஆரவ், சரண் இயக்கிய ‘மார்க்கெட் ராஜா எம்.பி.பி.எஸ்.’ படத்தின் மூலம் ஹீரோவானார். தற்போது ராஜபீமா படத்தில் நடித்து வருகிறார்.
இந்நிலையில் ஆரவ்வுக்கும், இளம் நடிகை ராஹிக்கும் திருமணம் நிச்சயமாகி இருப்பதாக சமூக வலைத்தளங்களில் தகவல் பரவி வருகிறது.
ஆரவ்வும் ராஹியும் நீண்ட நாட்களாக காதலித்து வருவதாகவும், தற்போது பெற்றோர்கள் சம்மதத்துடன் திருமணம் செய்து கொள்ள இருப்பதாகவும், இவர்கள் திருமணம் வரும் செப்டம்பர் 6-ந் தேதி நடைபெற உள்ளதாகவும் கூறப்படுகிறது. நடிகை ராஹி, கவுதம் மேனன் இயக்கும் ஜோஷ்வா படத்தில் ஹீரோயினாக நடிக்கிறார்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
