பி.வாசு இயக்கத்தில் உருவாக உள்ள சந்திரமுகி 2 படத்தில் லாரன்சுக்கு ஜோடியாக பிரபல பாலிவுட் நடிகை நடிக்க உள்ளதாக தகவல் வெளியாகி உள்ளது.
பி.வாசு இயக்கத்தில் ரஜினிகாந்த், ஜோதிகா நடித்து 2005-ல் திரைக்கு வந்து வெற்றிகரமாக ஓடிய சந்திரமுகி படத்தின் இரண்டாம் பாகம் தயாராகிறது. இதில் கதாநாயகனாக ராகவா லாரன்ஸ் நடிக்கிறார். முதல் பாகத்தில் சந்திரமுகியாக நடித்த ஜோதிகா இரண்டாம் பாகத்திலும் நடிப்பார் என்று எதிர்பார்க்கப்பட்ட நிலையில், தான் இந்த படத்தில் நடிக்கவில்லை என்பதை அவரே உறுதிப்படுத்தினார். பின்னர் சிம்ரன் சந்திரமுகியாக நடிக்க உள்ளதாக பேச்சு அடிபட்டது. அவரும் இதனை திட்டவட்டமாக மறுத்தார்.
இந்நிலையில், சந்திரமுகி 2-ம் பாகத்தில் நடிக்க பிரபல பாலிவுட் நடிகை கியாரா அத்வானியிடம் பேச்சுவார்த்தை நடைபெற்று வருவதாக கூறப்படுகிறது. கியாரா அத்வானி ஏற்கனவே லாரன்ஸ் இயக்கிய லக்ஷ்மி பாம் எனும் பாலிவுட் படத்தில் அக்ஷய் குமாருக்கு ஜோடியாக நடித்துள்ளார். இது தமிழில் வெளியாகி சூப்பர் ஹிட்டான காஞ்சனா படத்தின் ரீமேக்காகும். இப்படம் வருகிற ஆகஸ்ட் 15-ந் தேதி நேரடியாக ஓடிடி-யில் ரிலீசாக உள்ளது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
