நடிகை சமந்தா அடுத்ததாக நடிக்க உள்ள திகில் படத்தில், அவருக்கு ஜோடியாக பிரசாந்த் நடிக்க உள்ளதாக கூறப்படுகிறது.
தென்னிந்திய திரையுலகில் முன்னணி நடிகையாக இருப்பவர் சமந்தா. இவர் அடுத்ததாக திகில் படம் ஒன்றில் நடிக்க உள்ளார். நயன்தாராவின் ‘மாயா’, டாப்சியின் ‘கேம் ஓவர்’ ஆகிய படங்களை இயக்கிய அஸ்வின் சரவணன் இப்படத்தை இயக்க உள்ளார். கதாநாயகிக்கு முக்கியத்துவம் உள்ள படமாக இது உருவாக உள்ளது.
இந்நிலையில், இப்படத்தில் சமந்தாவுக்கு ஜோடியாக நடிகர் பிரசாந்த் நடிக்க உள்ளதாக கூறப்படுகிறது. இவர் தற்போது இந்தியில் வெளியாகி சூப்பர் ஹிட்டான அந்தாதூன் படத்தின் தமிழ் ரீமேக்கில் நடித்து வருகிறார். இப்படத்தை ஜெயம் ராஜா இயக்குகிறார். இப்படத்திற்கு இளையராஜா இசையமைக்க உள்ளார். இப்படத்திற்கு பின் பிரசாந்த், சமந்தா படத்தில் நடிப்பார் என கூறப்படுகிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
