உடல் நலக்குறைவால் மருத்துவமனையில் இருக்கும் நடிகர் லோகேஷை மருத்துமனையில் விஜய் சேதுபதி சந்தித்து நலம் விசாரித்தார்.
சின்னத்திரையில் இருந்து பெரிய திரைக்கு வந்தவர் லோகேஷ் பாப். தொலைக்காட்சி ஒன்றில் நிகழ்ச்சி தொகுப்பாளராக பணியாற்றிய இவர், காமெடி ஷோக்களிலும் பங்கேற்று வந்தார்.
விக்னேஷ் சிவன் இயக்கத்தில் விஜய் சேதுபதி, நயன்தாரா நடிப்பில் வெளியான நானும் ரவுடி தான் படத்தில் நடித்திருந்தார். அவர் நடித்த கதாபாத்திரம் ரசிகர்கள் மத்தியில் நல்ல வரவேற்பை பெற்றது. ஒரு சில படங்களில் நடித்து வரும் லோகேஷுக்கு தற்போது உடல் நலம் பாதிக்கப்பட்டு மருத்துவமனையில் அனுமதிக்கப்பட்டிருக்கிறார்.
இவரை நடிகர் விஜய் சேதுபதி மருத்துவமனைக்கு நேரில் சென்று சந்தித்து நலம் விசாரித்தார். இரண்டு மூன்று தினங்களில் லோகேஷ் வீடு திரும்புவார் என்று எதிர்பார்க்கப்படுகிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
