நயன்தாரா மீது அவரின் ரசிகர்கள் கோபமாக உள்ளனர்.
தர்பார்
ஹீரோவுக்கு நிகரான கதாபாத்திரம் அல்லது ஹீரோயினுக்கு முக்கியத்துவம் உள்ள படங்களை தேர்வு செய்து நடித்து தான் நயன்தாரா லேடி சூப்பர் ஸ்டார் ஆனார். நடிகையை நம்பி படம் எடுக்கத் தயங்கியவர்கள் கூட அந்த எண்ணத்தை மாற்றிக் கொண்டு நயன்தாராவை வைத்து படம் எடுத்து வெளியிட்டார்கள். இந்நிலையில் தான் நயன்தாரா ஏ.ஆர். முருகதாஸ் இயக்கத்தில் தர்பார் படத்தில் ரஜினிகாந்துக்கு ஜோடியாக நடித்தார். சந்திரமுகி படத்திற்கு பிறகு அவர் ரஜினிக்கு ஜோடியாக நடித்தார்.
நயனதாரா
சந்தரமுகி போன்று இல்லாமல் தர்பாரில் நயன்தாராவுக்கு வெயிட்டான கதாபாத்திரமாகத் தான் இருக்கும். கோலிவுட்டின் முன்னணி நடிகை என்பதால் நல்ல கதாபாத்திரத்தை கொடுத்திருப்பார் முருகதாஸ் என்று எதிர்பார்க்கப்பட்டது. ஆனால் படத்தில் நயன்தாரா பெயருக்குத் தான் ஹீரோயின். அவர் இல்லாமல் கூட படத்தை எடுத்திருக்கலாம். அந்த அளவுக்கு அவரின் கதாபாத்திரம் டம்மியாக இருந்தது. இதை பார்த்த நயன்தாரா ரசிகர்கள் அதிருப்தி அடைந்தனர்.
கொள்கை
பெரிய ஹீரோக்களுக்காக கொள்கையை தளர்த்தி இந்த அளவுக்கு இறங்கி வர வேண்டுமா, ரொம்ப ஓவரா போறீங்க, இது போன்று டம்மி கதாபாத்திரத்தில் நடிப்பது இதுவே கடைசியாக இருக்கட்டும் என்று நயன்தாராவுக்கு அவரின் ரசிகர்கள் கோரிக்கை விடுத்துள்ளனர். படத்தில் நயன்தாராவை டம்மி பீஸாக்கியதை பார்த்து அவரை விட அவரின் ரசிகர்கள் தான் அதிகம் கோபப்பட்டுள்ளனர்.
கோபம்
தர்பார் படம் தொடர்பாக நயன்தாரா முருகதாஸ் மீது கடும் அதிருப்தியில் இருப்பதாக கூறப்படுகிறது. ஏற்கனவே முருகதாஸ் இயக்கிய கஜினி படத்தில் நடித்தது தான் நான் என் கெரியரில் செய்த மிகப் பெரிய தவறு என்று கூறினார் நயன்தாரா. இந்நிலையில் தர்பார் பற்றி என்ன சொல்லப் போகிறாரோ என்கிற எதிர்பார்ப்பு ஏற்பட்டுள்ளது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
