வெற்றிமாறன் இயக்கத்தில் சூர்யா நடிப்பது உறுதி செய்யப்பட்டுள்ளது.
தனுஷை வைத்து அசுரன் எனும் வெற்றிப் படத்தை கொடுத்த வெற்றிமாறன் சூரியை ஹீரோவாக வைத்து ஒரு படத்தை எடுக்கிறார். அதன் பிறகு அவர் விஜய்யை இயக்குவார் என்று கூறப்பட்டது.
ந்நிலையில் வெற்றிமாறன் விஜய்யை அல்ல மாறாக சூர்யாவை வைத்து படம் பண்ணப் போகிறார் என்று அதிகாரப்பூர்வ அறிவிப்பு வெளியிடப்பட்டுள்ளது. வெற்றிமாறன் இயக்கும் சூர்யா 40 படத்தை கலைப்புலி எஸ் தாணு தனது வி கிரியேஷன்ஸ் மூலம் தயாரிக்கிறார். சூர்யா, வெற்றிமாறன் சேர்ந்து படம் பண்ணுவது இதுவே முதல் முறை ஆகும் என்பது குறிப்பிடத்தக்கது.
சூர்யா, சுதா கொங்கரா இயக்கத்தில் சூரறைப் போற்று படத்தில் நடித்து முடித்துள்ளார். அந்த படம் சூர்யாவின் கெரியரில் முக்கியமான படமாக அமையும் என்று எதிர்பார்க்கப்படுகிறது. சுதா இயக்கிய இறுதிச்சுற்று படத்தை போன்றே சூரறைப் போற்று படமும் சூப்பர் ஹிட்டாகும் என்று நம்பப்படுகிறது.
சூர்யா 40 படத்தின் இயக்குநர் வெற்றிமாறன் என்பது முடிவாகிவிட்டது. ஆனால் சூர்யா 39 படத்தை இயக்கப் போவது யார் என்பது தெரியவில்லை.
சூர்யா 39 படத்தை இயக்கும் வாய்ப்பு ஹரிக்கு தான் அதிகம் உள்ளது என்று கூறப்படுகிறது. நிச்சயமாக இந்த படம் புதுக்கதையாகத் தான் இருக்குமாம்.
வெற்றிமாறன் ஒரு வேளை சூர்யாவை வைத்து படம் இயக்கிவிட்டு அதன் பிறகு விஜய்யை இயக்குவாரா என்கிற கேள்வி எழுந்துள்ளது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
