விஜய் செய்த ஒரு நல்ல விஷயம் குறித்த வீடியோ வெளியாகி ரசிகர்களை கவர்ந்துள்ளது.
ஷிவமோகாவில் விஜய்
லோகேஷ் கனகராஜ் இயக்கத்தில் விஜய் நடித்து வரும் படம் தளபதி 64. படப்பிடிப்பு தற்போது கர்நாடகா மாநிலத்தில் உள்ள ஷிவமோகாவில் நடந்து வருகிறது. இந்நிலையில் விஜய் இன்று காலை ஷிவமோகாவில் உள்ள ஒரு ஹோட்டலில் இருந்து வெளியே வந்தபோது அங்கு கூடிய ரசிகர்கள் தலைவா என்று அழைத்து மகிழ்ச்சி ஆரவாரம் செய்தனர். கேட்டிற்கு வெளியே நின்ற ரசிகர்களில் ஒருவரின் கையில் ரோஜாப்பூ மாலை இருந்தது.
விஜய்யின் அன்பு
கேட்டிற்கு வெளியே நின்ற ரசிகர்களை பார்த்து கையசைத்த விஜய் அந்த ரோஜாப்பூ மாலையை பார்த்துவிட்டார். உடனே கேட்டிற்கு அருகே வந்து தலையை குனிய அந்த ரசிகர் மாலையை விஜய்க்கு அணிவித்தார். இதையடுத்து ரசிகருக்கு கை கொடுத்துவிட்டு விஜய் அங்கிருந்து சென்றார். இந்த சம்பவம் நடந்தபோது எடுத்த வீடியோ வெளியாகியுள்ளது.
ரசிகர்கள் மகிழ்ச்சி
ரசிகன் தனக்காக அன்புடன் மாலை வாங்கி வந்ததை பார்த்த விஜய் செய்த காரியம் பிற ரசிகர்களை வெகுவாக கவர்ந்துள்ளது. ஷிவமோகாவில் தளபதி 64 படப்பிடிப்பு நடப்பது குறித்து அறிந்து கர்நாடகாவில் உள்ள விஜய் ரசிகர்கள் அங்கு குவிந்து கொண்டிருக்கிறார்கள். ஷிவமோகாவில் விஜய்யை சந்தித்த ரசிகர்கள் அவருக்கு ராட்சத மாலை அணிவித்து மரியாதை செய்துள்ளனர் என்பது குறிப்பிடத்தக்கது.
விஜய் படத்தில் நாசர்
தளபதி 64 படத்தில் விஜய் கல்லூரி பேராசிரியராக நடிப்பதாக கூறப்படுகிறது. அவருக்கு வில்லனாக விஜய் சேதுபதி நடிக்கிறார். இந்நிலையில் இந்த படத்தில் நாசர் இணைந்துள்ளதாக அதிகாரப்பூர்வ அறிவிப்பு வெளியாகியுள்ளது. தளபதி 64 படத்தில் ஒரு நடச்சத்திர பட்டாளமே நடித்துக் கொண்டிருக்கிறது. லோகேஷ் எந்த அப்டேட்டும் கொடுக்காமல் வேலையை மட்டும் பார்த்துக் கொண்டிருக்கிறார்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
