கவின் போட்டுள்ள ட்வீட் ஒன்றை பார்த்த ரசிகர்கள் இது லோஸ்லியாவுக்கு தெரியுமா என்று கேள்வி எழுப்பியுள்ளனர்.
த்ரிஷா 17
த்ரிஷா ஹீரோயின் ஆகி 17 ஆண்டுகள் ஆகிவிட்டது. பிரசாந்த், சிம்ரன் நடித்த ஜோடி படத்தில் ஒரு சின்ன கதாபாத்திரத்தில் நடித்த த்ரிஷா மவுனம் பேசியதே படம் மூலம் ஹீரோயின் ஆனார். அந்த படம் ஓடாமல் போக அடுத்து அவர் நடித்த மனசெல்லாம் படமும் ஹிட்டாகவில்லை. இதையடுத்து அவர் விக்ரமுடன் சேர்ந்து நடித்த சாமி படம் சூப்பர் டூப்பர் ஹிட்டானது. சாமியும் ஹிட்டாகவில்லை என்றால் சினிமாவை விட்டே போய்விடலாம் என்ற முடிவில் இருந்தார் த்ரிஷா.
ரசிகர்கள் கொண்டாட்டம்
மவுனம் பேசியதே படம் ரிலீஸாகி 17 ஆண்டுகள் ஆகிவிட்டது. த்ரிஷா தமிழ், தெலுங்கு திரையுலகில் ஒரு பெரிய ரவுண்டு வந்தார். நடிக்க வந்தது போன்றே இன்றும் இளமையாக உள்ளார். இந்நிலையில் த்ரிஷா ஹீரோயின் ஆகி 17 ஆண்டுகள் ஆனதை ரசிகர்கள் கொண்டாடி வருகிறார்கள். நாங்கள் எல்லாம் எப்பொழுதுமே த்ரிஷா கட்சி தான் என்று ரசிகர்கள் பெருமையாக தெரிவித்துள்ளனர். த்ரிஷா மேலும் பல வெற்றிகள் பெற வேண்டும் என்று வாழ்த்தியுள்ளனர்.
கவின் ட்வீட்
ரசிகர்கள் தன்னை கொண்டாடி போஸ்டர் போட்டதை பார்த்த த்ரிஷா நன்றி தெரிவித்தார். அதை பார்த்த பிக் பாஸ் 3 பிரபலமான கவின் ஆமா, நான் எப்பொழுதுமே த்ரிஷா கட்சி தான் என்று ட்வீட் செய்துள்ளார். கவினின் ட்வீட்டை பார்த்த த்ரிஷா ரசிகர்கள், அண்ணன் நீங்களுமா சூப்பர் என்று தெரிவித்துள்ளனர். த்ரிஷா இந்த 17 ஆண்டுகளில் வெற்றி, தோல்விகளை சந்தித்துள்ளார். இருப்பினும் மனம் தளராமல் இருப்பது தான் ரசிகர்களுக்கு பிடித்துள்ளது.
லோஸ்லியாவுக்கு தெரியுமா?
வின் த்ரிஷா கட்சி என்று போட்ட ட்வீட்டை பார்த்த கவிலியா ஆதரவாளர்கள் இது லோஸ்லியாவுக்கு தெரிந்தால் கோபித்துக் கொள்ள மாட்டாரா என்று கேள்வி எழுப்பியுள்ளனர். மேலும் லோஸ்லியா பற்றி ஏதாவது ட்வீட் போடுமாறு ரசிகர்கள் கவினை கேட்டுக் கொண்டுள்ளனர். சில ரசிகர்களோ தங்களின் ட்வீட்டை லைக் செய்யுமாறு கோரிக்கை விடுத்துள்ளனர். மேலும் சிலரோ, நாங்கள் எப்பொழுதுமே கவின் கட்சி என்று தெரிவித்துள்ளனர்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
