2019ம் ஆண்டில் இந்தியாவில் அதிகம் ட்வீட் செய்யப்பட்ட டாப் 10 ஹேஷ்டேகுகளில் பிகில் 6வது இடம் பிடித்துள்ளது.
2019ம் ஆண்டு இந்தியாவில் அதிகம் ட்வீட் செய்யப்பட்ட டாப் 10 ஹேஷ்டேகுகள் பட்டியல் வெளியாகியுள்ளது. அதில் இடம் பிடித்துள்ள ஒரே இந்திய படம் விஜய்யின் பிகில் தான். #bigil ஹேஷ்டேக் அந்த பட்டியலில் 6வது இடத்தில் உள்ளது. இதை விஜய் ரசிகர்கள் கொண்டாடி வருகிறார்கள். பட்டியலை பார்த்த பிகில் பட தயாரிப்பாளர் அர்ச்சனா கல்பாத்தியும் அது குறித்து ட்வீட் செய்துள்ளார்.
மேலும் ட்விட்டரில் டாப் 10 பொழுதுபோக்கு ஹேன்டில்களில் பெண்கள் பிரிவில் அர்ச்சனா கல்பாத்திக்கு 4வது இடம் கிடைத்துள்ளது. அவர் பாலிவுட் நடிகைகள் ப்ரியங்கா சோப்ரா, ஆலியா பட், சன்னி லியோன், மாதுரி தீக்ஷித் ஆகியோரை முந்தியுள்ளார்.
அட்லி இயக்கத்தில் விஜய் நடிப்பில் கடந்த அக்டோபர் மாதம் 25ம் தேதி வெளியான பிகில் படம் ரூ. 300 கோடிக்கு மேல் வசூல் செய்ததாக செய்திகள் வெளியாகின. ஆனால் அதை இன்றுவரை அர்ச்சனா கல்பாத்தி உறுதி செய்யவில்லை.
இந்நிலையில் ட்விட்டரில் பிகில் ஹேஷ்டேக் செய்த சாதனையை பாராட்டி அர்ச்சனா போட்ட ட்வீட்டை பார்த்த விஜய் ரசிகர்கள் அந்த வசூல் அப்டேட் கொஞ்சம் கொடுக்க முடியுமா என்று கேட்டுள்ளனர்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
