தர்பார் சிங்கிள் குறித்த அனிருத்தின் அறிவிப்பை பார்த்தவர்களுக்கு லைட்டா பயம் வந்துவிட்டது.
லைகா அறிவிப்பு
ஏ.ஆர். முருகதாஸ் இயக்கத்தில் ரஜினிகாந்த், நயன்தாரா, யோகி பாபு, நிவேதா தாமஸ் உள்ளிட்டோர் நடித்துள்ள தர்பார் படத்தின் போஸ்ட் ப்ரொடக்ஷன் பணிகள் நடந்து வருகின்றது. இந்நிலையில் படத்தின் முதல் சிங்கிளான சும்மா கிழி பாடல் வரும் 27ம் தேதி வெளியாகும் என்று லைகா நிறுவனம் அறிவிப்பு வெளியிட்டுள்ளது. அந்த அறிவிப்பு வீடியோவில் தர்பார் படத்தின் இசையமைப்பாளர் அனிருத் வந்து பாடலை எஸ்.பி.பி. பாட, விவேக் எழுதியுள்ளார் என்று தெரிவித்துள்ளார். அவர் சொன்ன அந்த ஒரு வார்த்தையை கேட்டுவிட்டுத் தான் ரசிகர்களுக்கு பயமே.
ஏமாற்றிய அனிருத்
பேட்ட படத்திலும் ரஜினியின் இன்ட்ரோ பாடலை எஸ்.பி. பாலசுப்பிரமணியம் பாடியுள்ளார் என்று அனிருத் அறிவிப்பு வெளியிட்டார். ரஜினிக்கு எஸ்.பி. பி. ஓபனிங் சாங் பாடினால் அது ராசி என்பது அனைவருக்கும் தெரியும். அதனால் பெரிதும் பார்த்தபோது எஸ்.பி.பி.க்கு வெறும் இரண்டு வரியை தான் கொடுத்திருந்தார் அனிருத். இது எஸ்.பி.பி. ரசிகர்களை ஏமாற்றம் அடையச் செய்தது. இந்நிலையில் தான் அனிருத் மீண்டும் அதே போன்ற அறிவிப்பை வெளியிட்டுள்ளார்.
சும்மா கிழியும் அப்படி இருக்காதே?
அனிருத் பேசிய வீடியோவை பார்த்தவர்கள், யப்பா தயவு செய்து இந்த வாட்டியும் எஸ்.பி.பி.க்கு இரண்டு வரி கொடுத்து எங்களை ஏமாற்றிவிட வேண்டாம் என்று கோரிக்கை விடுத்துள்ளனர். பாடல் வந்தால் தான் அனிருத் என்ன செய்திருக்கிறார் என்பது தெரிய வரும். கடந்த முறை கடுமையாக விமர்சிக்கப்பட்டதால் இம்முறை எஸ்.பி.பி.யையே முழு பாடலையும் பாட வைத்திருப்பார் அனிருத் என்று எதிர்பார்க்கப்படுகிறது. மரண மாஸ் மாதிரி சும்மாகிழி இருக்காது என்று நம்புவோமாக.
ரஜினி டப்பிங்
தர்பார் படத்தில் ஈடுபாட்டுடன் நடித்த ரஜினி டப்பிங் வேலையை வெறும் நான்கு நாட்களில் முடித்து முருகதாஸை அசத்திவிட்டார். டப்பிங் தியேட்டரில் முருகதாஸும், ரஜினியும் அமர்ந்திருந்தபோது எடுத்த புகைப்படங்கள் வெளியாகி ரசிகர்களை கவர்ந்தது. தர்பார் படம் அடுத்த ஆண்டு பொங்கல் ஸ்பெஷலாக ரிலீஸாக உள்ளது. அதே பொங்கலுக்கு பிரபுதேவா போலீஸ் அதிகாரியாக நடித்துள்ள பொன் மாணிக்கவேல் படமும் வெளியாகிறது என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
