கமல் ஹாசனின் 60 ஆண்டுகால சினிமா பயணத்தை சிறப்பிக்கும் வகையில் நடந்த உங்கள் நான் நிகழ்ச்சியில் கலந்து கொண்ட விஜய் சேதுபதி, கமல் ஹாசன் மக்களை ஏமாற்றமாட்டார் என்று குறிப்பிட்டு கூறியுள்ளார்.
களத்தூர் கண்ணம்மா படத்தில் குழந்தை நட்சத்திரமாக அறிமுகமாகி இன்று உலகநாயகனாக வளர்ந்து நிற்கும் கமல் ஹாசனின் 60 ஆண்டுகால சினிமா பயணத்தை கொண்டாடும் வகையில், கமல் 60ன் உங்கள் நான் நிகழ்ச்சி நேற்று நேரு உள் விளையாட்டு அரங்கில் நடந்தது.
இதில், ரஜினிகாந்த், இளையராஜா, ஏ.ஆர்.ரஹ்மான், எஸ்.ஏ.சந்திரசேகர், விஜய் சேதுபதி, ஜெயம் ரவி, வடிவேலு, பிரபு, பார்த்திபன், விக்ரம் பிரபு, கார்த்தி, தமன்னா, இயக்குநர்கள் எஸ்.பி. முத்துராமன், கே.எஸ். ரவிக்குமார், சேரன், ஷங்கர் உள்ளிட்ட ஏராளமானோர் கலந்து கொண்டனர்.
இந்நிகழ்ச்சியில் கலந்து கொண்டு பிரபலங்கள் பலரும் தங்கள் பங்கிக்ற்கு கமலை வாழ்த்தி, அவரது சினிமா பயணத்தை குறிப்பிட்டு பேசினர். அந்த வகையில், விஜய் சேதுபதியும் கமல் ஹாசன் பற்றி பேசினார். அவர் கூறுகையில், கமல் ஹாசனின் மக்கள் நீதி மய்யம் கட்சியின் பெயரே பிடித்துள்ளது. அவர் அரசியலுக்கு வந்ததை வரவேற்கிறேன். அவரது மக்கள் நீதி மய்யம் கட்சியின் லோகோவும் எல்லோரும் இணைந்திருப்போம் என்பதை வலியுறுத்துவதை நான் உணர்கிறேன். அவர் எப்போதும் மக்களை ஏமாற்றவே மாட்டார் என்றார்.
அதாவது எப்படி அவரது 60 ஆண்டுகால சினிமா பயணம் இருந்ததோ அதே போன்று அவரது அரசியல் பயணமும் இருக்கும் என்பதை குறிப்பிட்டு அவர் கூறியுள்ளார் என்பது குறிப்பிடத்தக்கது. இதற்கு முன்னதாக, பேட்ட படத்தின் இசை வெளியீட்டு விழாவில் கலந்து கொண்ட விஜய் சேதுபதி ரஜினியைப் பற்றி பெருமையாக பேசியுள்ளார். இப்படி ஒரே ஆண்டில் மாஸ் நடிகர்களான ரஜினிகாந்த், கமல் ஹாசன் ஆகியோரைப் பற்றி பேசிய பெருமையை விஜய் சேதுபதி பெற்றுள்ளார். அதோடு, குறுகியகால சினிமா வரலாற்றில் இப்படிப்பட்ட மாஸ் நடிகர்களுடன் மேடைகளில் கலந்து கொண்டுள்ளார்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
