தளபதி 65 படத்தை மகிழ் திருமேனி இயக்குகிறார் என்று வெளியான தகவல் குறித்த உண்மை தெரிய வந்துள்ளது.
தளபதி 65 இயக்குநர்
பிகில் படத்தை அடுத்து விஜய் லோகேஷ் கனகராஜ் இயக்கத்தில் தளபதி 64 படத்தில் நடித்து வருகிறார். இந்நிலையில் அந்த படத்தை முடித்துவிட்டு அவர் தடம் படம் புகழ் மகிழ் திருமேனியின் இயக்கத்தில் நடிக்கப் போவதாக செய்திகள் வெளியாகின. மகிழ் திருமேனி விஜய்யிடம் ஆக்ஷன் த்ரில்லர் கதையை சொல்ல அது அவருக்கு மிகவும் பிடித்துவிட்டது. அதனால் தளபதி 65 படத்தை இயக்கும் வாய்ப்பு மகிழ் திருமேனிக்கு தான் கிடைத்துள்ளது என்று கூறப்பட்டது. இந்நிலையில் இது குறித்த உண்மை தெரிய வந்துள்ளது.
விஜய்யை இயக்கும் மகிழ் திருமேனி?
மகிழ் திருமேனி விஜய்யை வைத்து படம் இயக்கவில்லை. அவர் விஜய்யிடம் கதை சொன்னது உண்மை தான். ஆனால் தளபதி 64 படத்திற்காக 8 மாதங்களுக்கு முன்பு மகிழ் திருமேனியிடம் விஜய் கதை கேட்டார். அது நடக்காமல் போனது. அதன் பிறகே லோகேஷுக்கு அந்த வாய்ப்பு கிடைத்தது. மகிழ் திருமேனி உதயநிதி ஸ்டாலினுடன் ஒரு படம் பண்ண ஒப்பந்தம் ஆகியுள்ளார். அதனால் விஜய் தனது அடுத்த பட வேலைகளை துவங்கும்போது மகிழ் திருமேனி பிசியாக இருப்பார் என்று விபரம் தெரிந்த ஒருவர் கூறியுள்ளார்.
டெல்லியில் விஜய்
தளபதி 64 படத்தின் ஷூட்டிங் தற்போது டெல்லியில் நடந்து வருகிறது. காசு மாற்று அதிகம் இருந்தும் அதை எல்லாம் பொருட்படுத்தாமல் படக்குழு தீயாக வேலை செய்து கொண்டிருக்கிறது. மகிழ் திருமேனி இல்லை என்றால் விஜய்யின் அடுத்த படத்தை இயக்கப் போவது யார் என்ற கேள்வி எழுந்துள்ளது. மகிழ் திருமேனி உதயநிதி ஸ்டாலினை இயக்கும் படத்தின் ஷூட்டிங் அடுத்த ஆண்டின் துவக்கத்தில் துவங்குமாம்.
அட்லி பிசி
விஜய்யை வைத்து தெறி, மெர்சல், பிகில் என்று மூன்று படங்களை இயக்கிய அட்லி பாலிவுட் நடிகர் ஷாருக்கானை வைத்து படம் பண்ணும் வேலையில் இறங்கியுள்ளார். இல்லை என்றால் தளபதி 65 படத்தை நான் இயக்குகிறேன் என்று வந்திருப்பார் என்று ரசிகர்கள் தெரிவித்துள்ளனர். அப்படியே அந்த பிகில் வசூல் பற்றி கொஞ்சம் தெரிவித்தால் நன்றாக இருக்கும் என்று விஜய் ரசிகர்கள் கூறுவது மட்டும் அட்லியின் காதில் விழவே மாட்டேன் என்கிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
