விஜய்யை வைத்து ‘தளபதி 64’ படத்தை இயக்கி வரும் லோகேஷ் கனகராஜ், அடுத்ததாக பிரபல நடிகரை வைத்து படம் இயக்க இருப்பதாக தகவல் வெளியாகியுள்ளது.
மாநகரம் படம் மூலம் இயக்குனராக அறிமுகமானவர் லோகேஷ் கனகராஜ். இப்படம் ரசிகர்களை கவர்ந்த நிலையில், கார்த்தியை வைத்து ‘கைதி’ படத்தை இயக்கினார். தீபாவளியை முன்னிட்டு வெளியான இப்படம் வெற்றிகரமாக திரையரங்குகளில் ஓடிக்கொண்டிருக்கிறது.
தற்போது விஜய்யை வைத்து ‘தளபதி 64’ படத்தை இயக்கி வருகிறார். இப்படத்தின் படப்பிடிப்பு தற்போது டெல்லியில் விறுவிறுப்பாக நடைபெற்று வருகிறது. இதில் விஜய்க்கு ஜோடியாக மாளவிகா மோகனன் நடித்து வருகிறார். மேலும் வில்லனாக விஜய் சேதுபதி நடிக்கிறார்.
இப்படத்தை அடுத்து லோகேஷ் கனகராஜ் கமலை வைத்து படம் இயக்க இருப்பதாக தகவல் வெளியாகி இருக்கிறது. கமல் நடிப்பில் தற்போது இந்தியன் 2 உருவாகி வருகிறது. இப்படத்திற்கு பிறகு லோகேஷ் கனகராஜ் இயக்கத்தில் நடிப்பார் என்று எதிர்பார்க்கப்படுகிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
