அல்லு அர்ஜுனுக்கு வில்லனாக நடிக்க விஜய் சேதுபதி வாங்கியிருக்கும் சம்பளம் குறித்து தகவல் வெளியாகியுள்ளது.
கோலிவுட்டின் பிசியான நடிகரான விஜய் சேதுபதி சிரஞ்சீவி நடிப்பில் அண்மையில் வெளியான சயீரா நரசிம்ம ரெட்டி படம் மூலம் தெலுங்கு திரையுலகில் அறிமுகம் ஆனார்.
இந்நிலையில் அவர் சுகுமார் இயக்கத்தில் அல்லு அர்ஜுன் நடிக்கும் ஏஏ 20 படத்தில் வில்லனாக நடிக்க ஒப்பந்தம் ஆகியுள்ளார். அல்லு அர்ஜுனுக்கு வில்லனாக மாற விஜய் சேதுபதி ரூ. 1.5 கோடி சம்பளம் கேட்டாராம். தயாரிப்பு தரப்பும் இந்தா புடிங்க என்று கூறி அவர் கேட்ட தொகையை கொடுத்துள்ளதாம்.
அடேங்கப்பா, ஒரு வில்லனுக்கு ரூ. 1.5 கோடியா என்று தெலுங்கு திரையுலகில் பேசிக் கொள்கிறார்கள். ஆனால் கோலிவுட்டிலோ இந்த விஜய் சேதுபதிக்கு என்னாச்சு போயும் போயும் ரூ. 1.5 கோடிக்கா நடிக்கப் போகிறார் என்று பேசுகிறார்கள்.
லோகேஷ் கனகராஜ் இயக்கத்தில் விஜய் நடித்து வரும் தளபதி 64 படத்தில் அவருக்கு வில்லனாக நடிக்கிறார் விஜய் சேதுபதி. விஜய்யுடன் மோத விஜய் சேதுபதிக்கு ரூ. 10 கோடி சம்பளம் பேசப்பட்டுள்ளது.
ரூ. 10 கோடி எங்கே, ரூ. 1.5 கோடி எங்கே என்று ரசிகர்களே பேசத் துவங்கிவிட்டனர். விஜய் சேதுபதி தான் சம்பாதிக்கும் பணத்தை எல்லாம் படத் தயாரிப்பில் போடுவதால் ரூ. 1.5 கோடி கிடைத்தாலும் லாபம் தான் என்று நினைக்கிறார் போல.
ரஜினியுடன் மோதிய விஜய் சேதுபதி விஜய்யை பகைத்துக் கொள்வது சரி. ஆனால் அல்லு அர்ஜுனுக்கு எதற்காக வில்லனாக வேண்டும் என்று ரசிகர்கள் கேள்வி எழுப்பியுள்ளனர்.
பெரிய ஆளுடன் மோதினால் பெரிய ஆளாகலாம் என்றார் விஜய் சேதுபதி. அவர் சொன்னதை அவரே மாற்றி செய்கிறாரே என்று விமர்சனம் எழுந்துள்ளது. விஜய் சேதுபதி யாரையும் குறைத்துப் பார்ப்பது இல்லை. அதனால் தான் அல்லு அர்ஜுனுக்கு வில்லனாக நடிக்க சம்மதித்திருப்பார்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
