‘தனுசு ராசி நேயர்களே’ படத்தில் அனிருத் ஒரு பாட்டு பாடியுள்ளார்.
இஸ்பேட் ராஜாவும் இதய ராணியும் படத்தை தொடர்ந்து ஹரிஷ் கல்யாண் நடித்துள்ள திரைப்படம் தனுசு ராசி நேயர்களே.
இப்படத்தை இயக்குநரும், நடிகருமான சந்தான பாரதியின் மகன் சஞ்சய் பாரதி இயக்கியுள்ளார். ஸ்ரீ கோகுலம் மூவீஸ் சார்பில் கோகுலம் கோபாலன் படத்தை தயாரித்துள்ளார்.
ரொமான்டிக் காமெடியை மையப்படுத்தி இப்படம் உருவாகியுள்ளது. இதில் ரெபா மோனிகா ஜான், ரியா சக்ரவர்த்தி ஆகிய இரண்டு கதாநாயகிகள் நடித்துள்ளனர். இந்த நிலையில் இந்த படத்தில் இசையமைப்பாளர் அனிருத் ஒரு பாடலை பாடியுள்ளார்.
இது குறித்து இயக்குநர் சஞ்சய் கூறியதாவது, ‘அனிருத் என்னுடைய நெருங்கிய நண்பர். என்னுடைய கல்லூரியில் ஜூனியர். இந்த பாடலுக்காக அவரை அணுகிய போது, உடனடியாக பாடலை பாட அனிருத் ஒப்புக் கொண்டார். இது ஹீரோ அறிமுக பாடல். ‘திருமணத்திற்கு எனக்கு ஒரு பெண் தேவை’ என்று துவங்கும் இந்தப் பாடலை அடுத்த வாரம் வெளியிடத் திட்டமிட்டுள்ளோம். மேலும் படம் வரும் நவம்பர் மாதத்தில் வெளியிடப்படும்’ என்று கூறியுள்ளார்.
விறுவிறுப்பாக நடைபெற்று வந்த இப்படத்தின் படப்பிடிப்பு சமீபத்தில் நிறைவடைந்து. போஸ்ட் ப்ரொடக்ஷன் வேலைகள் நடந்து வருகின்றன. விரைவில் இப்படத்தின் டீஸரும், பாடல்களும் வெளியாக உள்ளது .
இஸ்பேட் ராஜாவும் இதய ராணியும் படத்தில் முரட்டுத்தனமான நாயகனாக வலம் வந்த ஹரிஷ் கல்யாண் தனுசு ராசி நேயர்களே படத்தின் மூலம் காமெடி செய்து நம்மை சிரிக்க வைக்கப் போகிறார் என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
