கைதி படம் அருமையாக உள்ளதாக பாராட்டியுள்ளார் நடிகர் விக்ராந்த் சந்தோஷ்.
லோகேஷ் கனகராஜ் இயக்கத்தில் கார்த்தி நடித்த கைதி படம் நேற்று முன்தினம் வெளியாகி வெற்றிகரமாக ஓடிக் கொண்டிருக்கிறது. ஆக்ஷன் பட ரசிகர்களுக்கு கைதியை மிகவும் பிடித்துள்ளது.
இந்நிலையில் நடிகர் விக்ராந்த் கைதி படத்தை பாராட்டி ட்வீட் போட்டுள்ளார். அந்த ட்வீட்டில் அவர் கூறியிருப்பதாவது,
கைதி படம் ஃபென்டாஸ்டிக்…மிகவும் பிடித்துள்ளது…மிஸ் செய்துவிடாதீர்கள்… வாழ்த்துக்கள் கார்த்தி அண்ணா…செம..லோகேஷ் கனகராஜ் வேற லெவல் நீங்க… என்ன தரம்… என்ன மேக்கிங்… கைதி 2-க்காக வெயிட்டிங், சாமின் இசை சிறப்பு என்று தெரிவித்துள்ளார்.
விக்ராந்தின் ட்வீட்டை பார்த்த ரசிகர்கள், அண்ணா உங்களை கைதி 2 படத்தில் பார்க்க ஆவலுடன் காத்திருக்கிறோம் என்று கமெண்ட் போட்டுள்ளனர். கார்த்தி ரசிகர்களோ, நன்றி விக்ராந்த் என்று கூறியுள்ளனர்.
இந்நிலையில் விஜய் ரசிகர்கள் கூறியிருப்பதாவது,
எப்போ பிகில் படம் பார்க்கப் போகிறீர்கள்?. அண்ணன் விஜய் நடித்த படம் ரிலீஸாகியுள்ள நேரத்தில் முதலில் அதை பார்த்திருக்க வேண்டாமா?.
தளபதி அப்பவே சொன்னார் நம்ம கூட இருக்கிறவனே சேம் சைடு கோல் போட்டிருவான் பார்த்து இருக்கணும்னு என்று தெரிவித்துள்ளனர்.
எந்த படத்தை முதலில் பார்ப்பது, பாராட்டுவது என்பது விக்ராந்தின் தனிப்பட்ட விஷயம். அவர் ஒரு ட்வீட் போட்டதற்காக அவரை வசைபாடுவது சரியில்லை என்று அவரின் ரசிகர்கள் தெரிவித்துள்ளனர்.
கைதி படத்தை அடுத்து விஜய்யை வைத்து தளபதி 64 படத்தை இயக்கி வருகிறார் லோகேஷ் கனகராஜ். இதையடுத்து அவர் கைதி 2 படத்தை எடுப்பார் என்று கூறப்படுகிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
