தர்பார் படம் குறித்த முக்கிய தகவலை வெளியிட்டுள்ளார் நிவேதா தாமஸ்.
ஏ. ஆர். முருகதாஸ் இயக்கத்தில் ரஜினிகாந்த், நயன்தாரா, நிவேதா தாமஸ் உள்ளிட்டோர் நடித்து முடித்துள்ள படம் தர்பார். இந்த படத்தில் ரஜினி இரண்டு வேடங்களில் நடிப்பதாக கூறப்படுகிறது.
ரஜினியின் மகளாக நிவேதா தாமஸ் நடித்துள்ளார் என்று செய்திகள் வெளியாகின. ஆனால் இதை முருகதாஸ் உறுதி செய்யவில்லை. படம் குறித்து முருகதாஸ் கூறியதோ, தர்பார் அரசியல் படம் அல்ல. இது அலெக்ஸ் பாண்டியன் போன்ற ஒரு போலீஸ் அதிகாரியை பற்றிய கதை என்றார்.
இந்நிலையில் தர்பார் படத்தில் தான் ரஜினியின் மகளாக நடித்துள்ளதை உறுதி செய்துள்ளார் நிவேதா. ஒரே ஒரு ஆதித்யா அருணாச்சலம். அவர் தான் என் அப்பா என்று பெருமையாக ட்வீட் செய்துள்ளார் நிவேதா.
நயன்தாரா நிவேதாவுக்கு அம்மாவாகவா நடித்துள்ளார் என்கிற கேள்வி எழுந்துள்ளது. இரண்டு ரஜினி என்பதால் சீனியருக்கு மகளாக நிவேதாவும், இளம் ரஜினிக்கு ஜோடியாக நயன்தாராவும் நடித்திருப்பார்கள் என்று கூறப்படுகிறது.
அருணாச்சலம் என்கிற பெயர் ரஜினிக்கு மிகவும் ராசியானது. அவர் அருணாச்சலமாக நடித்த படம் சூப்பர் ஹிட்டானது. இந்நிலையில் அவர் ஆதித்யா அருணாச்சலமாக நடித்துள்ள தர்பாரும் பட்டையை கிளப்பும் என்று எதிர்பார்க்கப்படுகிறது.
சர்காரை போன்று தர்பார் படத்திற்கு எந்தவித பிரச்சனையும் ஏற்படக் கூடாது என்பதில் தெளிவாக உள்ளார் முருகதாஸ். ரஜினிக்கு அருணாச்சலம் என்கிற பெயர் மட்டும் அல்ல காக்கிச் சட்டையும் ராசி தான் என்பது குறிப்பிடத்தக்கது.
தர்பார் படத்தின் பெரும்பாலான காட்சிகளை மும்பையில் படமாக்கியுள்ளார் முருகதாஸ். படப்பிடிப்பு துவங்கியதில் இருந்தே ஏதாவது புகைப்படங்கள், வீடியோக்கள் வெளியாகி படக்குழுவை அதிர்ச்சி அடைய வைத்துக் கொண்டே இருந்தது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
