விஜய் நடிப்பில் உருவாகியுள்ள பிகில் படம் வரும் 25 ஆம் தேதி வெளியாகவுள்ள நிலையில், இப்படம் குறித்து ஒவ்வொரு நாளும் புதிய தகவல் வந்து கொண்டிருக்கிறது.
அட்லி இயக்கத்தில் விஜய் நடிப்பில் உருவாகியுள்ள படம் பிகில். வரும் 25 ஆம் தேதி வெளியாகவுள்ள இப்படத்தின் கடைசி 7 நிமிட காட்சி குறித்து புதிய தகவல் கிடைத்துள்ளது. அதன்படி, படத்தின் ரன்னிங் டைம் என்னவோ 2 மணிநேரம் 52 நிமிடம் தானாம். ஆனால், கடைசி 7 நிமிடம் படப்பிடிப்பு எங்கெல்லாம் நடந்துள்ளது, எப்படி நடந்துள்ளது, சில கலாட்டா காட்சிகள் ஆகியவை இடம்பெற்றுள்ளதாக கூறப்படுகிறது.
எனினும், இது குறித்து அதிகாரப்பூர்வ தகவல் ஏதும் கிடைக்கவில்லை. இதற்கு முன்னதாக விஜய் நடித்த பெரும்பாலான படங்களில் ஷூட்டிங் ஸ்பாட் காட்சிகள் இடம்பெற்றிருக்கும். உதாரணமாக பத்ரி படத்தில் அந்த காட்சி இருந்தது என்பது குறிப்பிடத்தக்கது.
பெண்களின் கால்பந்து விளையாட்டை மையப்படுத்தி இப்படம் உருவாக்கப்பட்டுள்ளது. ராயப்பன், மைக்கேல், பிகில் என்று விஜய் மூன்று விதமான கதாபாத்திரங்களில் நடித்துள்ளார். இப்படத்தில் விஜய்க்கு ஜோடியாக நயன்தாரா நடித்துள்ளார். இப்படத்தில் அவர் இறந்துவிடுவார் என்றும் கூறப்படுகிறது. மேலும், கதிர், விவேக், யோகி பாபு, டேனியல் பாலாஜி, ஆனந்தராஜ் ஆகியோர் உள்பட பலர் நடித்துள்ளனர்.
படத்தை புரோமோஷன் செய்யும் விதமாக ஏஜிஎஸ் நிறுவனம், சென்னையின் எஃப்சி அணியுடன் அதிகாரப்பூர்வமாக இணைந்துள்ளது. படம் வெளியாகும் அன்று சென்னை மற்றும் கொச்சியில், ஃபிஃபா சாம்பியன்ஷிப் போட்டி நடக்க இருக்கிறது. இதனை, சென்னையின் எஃப்சி மற்றும் இகேமிங் நிறுவனமான ஸ்கைஸ்போர்ட்ஸ் ஆகியவை இணைந்து நடத்துகின்றன என்பது குறிப்பிடத்தக்கது.
அண்மையில், இப்படத்தின், டிரைலர் வெளியானது. டிரைலரைப் பார்த்த ரசிகர்கள் பலரும் படம் எப்போது என்று காத்துக்கொண்டிருக்க, வேண்டாத சிலர் ட்விட்டரில் ட்ரைலரே நல்லாயில்லை, படத்தை வேறு பாக்கனுமா என்றெல்லாம் விமர்சனம் செய்துள்ளனர்.
அதோடு, பல படங்களில் இருந்து ட்ரைலர் காட்சிகள் எடுக்கப்பட்டுள்ளதாக குறிப்பிட்டனர். இதற்கெல்லாம் செவி கொடுக்காத அட்லி படம் வெளியான பிறகு பார்த்துக்கொள்ளலாம் என்று அப்படியே விட்டுவிட்டாராம். ஏஜிஎஸ் எண்டர்டெயின்மெண்ட் நிறுவனம் இப்படத்தை தயாரித்துள்ளது. ஏ.ஆர்.ரஹ்மான் இப்படத்திற்கு இசையமைத்துள்ளார்.
விஜய்யின் பிகில் படம் வெளியாகும் அன்றே கார்த்தியின் கைதி படமும் திரைக்கு வருகிறது. கைதி படத்தின் டிரைலர் ரசிகர்களிடையே போதுமான வரவேற்பு பெற்ற நிலையில், ஒரே நாளில் வெளியாவதால், அதிகப்படியான திரையரங்குகள் கிடைப்பதில் சிக்கல் ஏற்பட்டுள்ளது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
