ரஜினிகாந்த் நடிப்பில் உருவாகி வரும் தர்பார் படத்தில், அவருக்கு தனது அப்பா, மகன் பெயரை வைத்துள்ளார்.
ஏ.ஆர்.முருகதாஸ் இயக்கத்தில் ரஜினிகாந்த் நடிப்பில் உருவாகி வரும் படம் தர்பார். லைகா நிறுவனம் தயாரிக்கும் இப்படத்திற்கு அனிருத் இசையமைத்துள்ளார். இந்த நிலையில், இப்படத்தில் நடிக்கும் ரஜினியின் கதாபாத்திரத்தின் பெயர் குறித்த தகவல் வெளியாகியுள்ளது. அதன்படி, ஆதித்யா அருணாச்சலம் என்ற கதாபாத்திரத்தில் ரஜினி நடிக்கிறார்.
இதில், ஆதித்யா என்பது இயக்குநர் ஏ.ஆர்.முருகதாஸின் பெயராம். இதே போன்று அருணாச்சலம் என்பது முருகதாஸின் அப்பா பெயராம். இப்படத்தில் ரஜினிகாந்த் இரு வேடங்களில் நடிப்பதாக கூறப்பட்டது. தற்போது ஒரு கதாபாத்திரத்தின் பெயர் தான் வெளியாகியுள்ளது.
வரும் 2020 ஆம் ஆண்டு பொங்கல் பண்டிகையை முன்னிட்டு இப்படம் திரைக்கு வருகிறது. இப்படத்தில் ரஜினியுடன் இணைந்து சுனில் ஷெட்டி, நயன்தாரா, ஸ்ரேயா ஷரன், தம்பி ராமையா, யோகி பாபு, ஸ்ரீமன் ஆகியோர் பலர் நடிக்கின்றனர். இதில், நிவேதா தாமஸ் ரஜினியின் மகளாக நடிக்கிறார் என்பது குறிப்பிடத்தக்கது.
போலீஸ் ஸ்டோரியை மையப்படுத்திய இப்படத்தில் ரஜினிகாந்த் போலீஸ் அதிகாரியாக நடிக்கிறார். இப்படத்தின் பெரும்பாலான காட்சிகள் மும்பையை சுற்றிலும் படமாக்கப்பட்டுள்ளது என்பது குறிப்பிடத்தக்கது. இப்படத்தைத் தொடர்ந்து ரஜினிகாந்த் நடிக்கும் 168 ஆவது படத்தை இயக்குநர் சிவா இயக்குகிறார். இதில், ரஜினியுடன் இணைந்து ஜோதிகா மற்றும் கீர்த்தி சுரேஷ் ஆகிய இருவரும் நடிக்க இருக்கின்றனர். இப்படத்தின் படப்பிடிப்பு வரும் டிசம்பர் 12 ஆம் தேதி ரஜினியின் பிறந்தநாளின் போது பூஜையுடன் தொடங்கப்படும் என்று எதிர்பார்க்கப்படுகிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
