விஷால் திருமணம் கண்டிப்பாக நடக்கும் என்று விஷாலின் அப்பா ஜிகே ரெட்டி தெரிவித்துள்ளார்.
நடிகர் விஷாலுக்கும், ஹைதராபாத்தைச் சேர்ந்த மாடலும், நடிகையுமான அனிஷா அல்லா ரெட்டிக்கும் திருமண நிச்சயதார்த்தம் நடந்தது. இதையடுத்து, செப்டம்பர் அல்லது அக்டோபர் மாதத்தில் திருமணம் நடக்கும் என்று கூறப்பட்டது.
இதற்கிடையில், தனது இன்ஸ்டாகிராம் பக்கத்தில் இருந்து விஷாலின் புகைப்படத்தையும், திருமண நிச்சயதார்த்த புகைப்படத்தையும் நீக்கியுள்ளார் என்றும், இதனால், திருமணம் நின்றது என்றும் கோலிவுட் வட்டாரத்தில் பூகம்பம் வெடித்தது.
இதற்கு இரு தரப்பினரும் எந்த விளக்கமும் கொடுக்கவில்லை. இதன் காரணமாக திருமணம் நின்றது உண்மை என்று செய்தி வெளியானது. இந்த நிலையில், ஜிகே ரெட்டி, தனது மகன் விஷாலின் திருமணம் கண்டிப்பாக நடக்கும் என்று தெரிவித்துள்ளார். இது குறித்து அவர், கூறுகையில், நடிகர் சங்கம் கட்டிடம் கட்டி முடித்த பிறகுதான் தனது திருமணம் நடக்க வேண்டும் என்று விஷால் பிடிவாதமாக இருக்கிறார்.
ஆனால், நடிகர் சங்கம் கட்டிடம் கட்டுவதில் வழக்கு நடந்து கொண்டிருக்கிறது. அவரது கனவு முழுமையாக நிறைவேறிய உடன் விஷால் திருமணம் நடக்கும் என்று ஜிகே ரெட்டி தெரிவித்துள்ளார் என்பது குறிப்பிடத்தக்கது. ஆனால், அது அனிஷா உடன் தானா? என்பது குறித்து அவர் எதுவும் தெரிவிக்கவில்லை. ஏனென்றால், கண்டிப்பாக விஷால் திருமணம் நடக்கும் என்று மட்டுமே அவர் குறிப்பிட்டுள்ளார்.
தற்போது, சுந்தர் சி இயக்கத்தில், விஷால், தமன்னா நடிப்பில் ஆக்ஷன் திரைப்படம் உருவாகி வருகிறது. இப்படத்தைத் தொடர்ந்து ஸ்ரத்தா ஸ்ரீநாத் மற்றும் ரெஜினா கஸாண்ட்ரா ஆகியோரது நடிப்பில் விஷால், இரும்பு திரை 2 படத்தில் நடிக்கிறார். விரைவில், இந்த படம் திரைக்கு வரும் என்று எதிர்பார்க்கப்படுகிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
