தளபதி 64 படம் குறித்து பரவி வரும் வதந்திக்கு, தயாரிப்பு நிறுவனம் முற்றுப்புள்ளி வைத்துள்ளது.
பிகில் படத்தை தொடர்ந்து விஜய் தற்போது லோகேஷ் கனகராஜ் படத்தில் நடித்து வருகிறார். தற்காலிகமாகத் தளபதி 64 என்று அழைக்கப்படும் இந்த படத்தை சேவியர் பிரிட்டோ தயாரிக்கிறார். கடந்த 3ம் தேதி படத்தின் பூஜை நடைபெற்று ஷூட்டிங் தொடங்கப்பட்டது.
இதில் விஜய்க்கு ஜோடியாக மாளவிகா மோகனன் நடிக்கிறார். மக்கள் செல்வன் விஜய் சேதுபதி வில்லனாக நடிக்கிறார். அது மட்டுமின்றி சாந்தனு, ஆண்டனி வர்கீஸ் ஆகியோரும் நடிக்கின்றனர். இப்படத்திற்கு ராக் ஸ்டார் அனிருத் இசையமைக்கிறார்.
இந்த நிலையில் சமீபத்தில் தளபதி 64 படத்தை தயாரிக்கும் பணியிலிருந்து சேவியர் பிரிட்டோ விலகியுள்ளதாக சமூகவலைத்தளங்களில் வதந்தி பரவி கொண்டு வருகிறது. இந்த நிலையில் அதற்கு முற்றுப்புள்ளி வைக்கும் விதத்தில் ‘தளபதி 64’ படத் தயாரிப்பு நிறுவனம் ட்வீட் வெளியிட்டுள்ளது.
அதில், ‘இந்த செய்தி முழுக்க முழுக்க வதந்தி, இதை யாரும் நம்ப வேண்டாம். தளபதி 64 படப்பிடிப்பு நல்ல முறையில் நடைபெற்று வருகிறது. முதல்கட்ட படப்பிடிப்பு இன்னும் ஒரு சில நாட்களில் முடிவு அடைய உள்ளது’ என்று அதில் குறிப்பிடப்பட்டுள்ளது.
இது தவிர அட்லீ- விஜய் மூன்றாவது முறையாக இணைந்துள்ள பிகில் படம் வரும் தீபாவளிக்கு வெளியாக உள்ளது. பெண்களின் கால்பந்து விளையாட்டை மையமாக வைத்து உருவாகியுள்ள இதில் விஜய்க்கு ஜோடியாக நயன்தாரா நடித்துள்ளார்.
விஜய் தனது குரலில் பாடியுள்ள வெறித்தனம் பாடல் மாபெரும் வரவேற்பை பெற்றுள்ளது. பிகில் படத்தின் ட்ரெய்லர் சமீபத்தில் வெளியாகி விஜய் ரசிகர்கள் மத்தியில் எதிர்பார்ப்பை எகிற செய்துள்ளது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
