பெட்ரோமாக்ஸ் படத்தில் நடித்ததைத் தொடர்ந்து இந்த காமெடிக்கு பேர் போன காமெடி நடிகர் கவுண்டமனியை சந்திக்க ஆசைப்படுவதாக தமன்னா தெரிவித்துள்ளார்.
அதே கண்கள் புகழ் இயக்குநர் ரோஹின் வெங்கடேசன் இயக்கத்தில் தமன்னா, யோகி பாபு ஆகியோர் பலர் நடிப்பில் உருவாகியுள்ள படம் பெட்ரோமாக்ஸ். நாளை முதல், இப்படம் திரைக்கு வருகிறது. ஜிப்ரான் இப்படத்திற்கு இசையமைத்துள்ளார். ஹாரர் காமெடி கதையை மையப்படுத்திய இப்படத்தில், தமன்னாவுடன் இணைந்து சத்யன், முனிஷ்காந்த், மைம் கோபி, லிவிங்ஸ்டன், பிரேம், காளி வெங்கட் ஆகியோர் பலர் நடித்துள்ளனர்.
இப்படம் நாளைக்கு வெளியாகவுள்ள நிலையில், இப்படத்தின் பத்திரிக்கையாளர் சந்திப்பு நிகழ்ச்சி அண்மையில் சென்னையில் நடந்தது. அப்போது பேசிய தமன்னா கூறுகையில், தேவி, தேவி 2 ஆகிய படங்களைத் தொடர்ந்து இனிமேல் ஹாரர் காமெடி படத்தில் நடிக்கக் கூடாது என்று தீர்மானித்திருந்தேன். ஆனால், ஆனந்தோ பிரம்மா என்ற தெலுங்கு படத்தின் தமிழ் ரீமேக்காக இப்படம் உருவாக்கப்பட்டுள்ளது. சயீரா நரசிம்ம ரெட்டி, கண்ணே கலைமானே படத்திற்கு பிறகு நகைச்சுவை படம் என்பதால், இப்படத்தை ஏற்றுக்கொண்டு நடித்தேன்.
மற்றவர்களை விட பெட்ரோமாக்ஸ் படத்தின் போஸ்டர்களை தான் விரும்பவில்லை என்றும், மேலும் பல நடிகர்கள் பெட்ரோமாக்ஸின் ஒரு பகுதியாக நடித்துள்ளனர் என்றும் அவர் கூறியுள்ளார். மேலும், இப்படத்தின் இயக்குநர் ரோஹின் வெங்கடேசன், கவுண்டமனி – செந்தில் ஆகியோரது பெட்ரோமாக்ஸ் காமெடியை என்னிடம் கூறினார். இதனைக் கேட்டவுடன் சிரிப்பு தாங்க முடியாமல், உடனடியாக கவுண்டமனியை சந்திக்க வேண்டும் என்று விரும்புவதாக அவரிடம் கூறியதாக தெரிவித்துள்ளார் என்பது குறிப்பிடத்தக்கது.
அண்மையில், தமன்னா நடிப்பில் உருவான சயிரா நரசிம்ம ரெட்டி படம் வெளியாகி ரசிகர்களிடையே நல்ல வரவேற்பு பெற்றது. இப்படத்தில், சிரஞ்சிவி, அமிதாப் பச்சன், விஜய் சேதுபதி, தமன்னா, நயன்தாரா ஆகியோர் பலர் நடித்துள்ளனர்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
