முதல் முறையாக காமெடியில் கலக்கி வரும் யோகி பாபு காவி ஆவி நடுவுல தேவி படத்தில் 11 விதமான கெட்டப்புகளில் நடிக்கிறார்.
யோகி பாபு, தம்பி ராமையா, நான் கடவுள் ராஜேந்திரன், இமான் அண்ணாச்சி நால்வரும் இணைந்து கலக்கும் படம் தான் காவி ஆவி நடுவுல தேவி. மனோன்ஸ் சினி கம்பைன் சார்பில் ஆருரான் இப்படத்தை தயாரிக்கிறார். இப்படத்தின் மூலம் ராம் சுந்தர் ஹீரோவாக அறிமுகமாகிறார். இவருக்கு ஜோடியாக பிரியங்கா நடிக்கிறார். சிவசங்கர், வேல்சிவா, ரிஷா, சிவகாமி, வாணி, டக்ளா ராமு ஆகியோர் பலர் நடிக்கின்றனர்.
இதுவரை ஹீரோவுக்கு நண்பனாக அல்லது ஹீரோயினுக்கு நண்பனாக நடித்து வந்த யோகி பாபு இப்படத்தின் மூலம் காதலை சேர்த்து வைக்கும் ஒரு கதாபாத்திரத்தில் நடிக்கிறார். இதற்காக அவர் 11 விதமான அவதாரம் எடுத்துள்ளார். முழுக்க முழுக்க காமெடியாக இப்படம் உருவாக்கப்பட்டுள்ளது.
நான் கடவுள் ராஜேந்திரனும், அவருக்கு துணையாக மலையாள மாந்திரீகனாக இமான் அண்ணாச்சியும் அடிக்கும் லூட்டிகள் நகைச்சுவையில் மேலும் கலக்கும் தம்பி ராமையா வரும் காட்சிகள் அனைத்தும் அதிரடி காமெடியாக இருக்கும் என்கிறார் இப்படத்தின் கதாசிரியரான வி.சி.குகநாதன்.
சூப்பர் சுப்பராயன் சண்டை பயிற்சியையும், வி.சி.குகநாதன் கதையையும், ஒளிப்பதிவை கணேசனும், படத்தொகுப்பை ராஜ் கீர்த்தியும், பாடல்களை டாக்டர் ஹிருதயா, ஜீவன் மயில் இருவரும் எழுத நடன பயிற்சியை சிவசங்கரும், சிவராக் சங்கரும் கவனித்துள்ளனர். விரைவில் இப்படம் திரைக்கு வர உள்ளது. காவி ஆவி நடுவுல தேவி படத்தின் வசனம் எழுதி புகழ்மணி இயக்கி உள்ளார்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
