விஜய் டிவியில் ஒளிப்பரப்பாகி வரும் பிக்பாஸ் சீசன் 3 நிகழ்ச்சியில் பலரையும் கவர்ந்த போட்டியாளராக உள்ளார் சாண்டி. அவருடைய பேச்சு, செய்கை, மற்றவர்களுடன் அவர் செய்யும் உரையாடல், நடனம் என பல்வேறு அம்சங்களை பார்வையாளர்களை ஈர்க்கின்றன.
பல ஆண்டுகளாக தமிழ் சினிமாவில் நடனக் கலைஞராக இருந்த போதிலும், காலா படத்தில் ரஜினிகாந்த் பாடலுக்கு நடனம் அமைத்ததன் மூலம் வெளியுலகுக்கு தெரிய வந்தார் சாண்டி. இவருடைய அதிரடியான நடனம், வில்லென நெளியும் உடல்வாகு போன்றவை மிகவும் பிரபலமானவை.
தமிழக சினிமா ரசிகர்களிடம் நல்ல வரவேற்பை பெற்றிருந்த சாண்டியை பிக்பாஸ் வீட்டுக்குள் அழைத்து வந்தது தயாரிப்புக் குழு. அவருக்கு கமல் கை குலுக்கு வாழ்த்து தெரிவித்து பிக்பாஸ் வீட்டுக்குள் அனுப்பி வைத்தார்.
அன்று முதல் இன்று வரை தன்னுடைய துறு துறு அம்சங்களால் பிக்பாஸ் போட்டியாளர்களை மட்டுமின்றி, பார்வையாளர்களையும் கலகலப்பாகி வருகிறார் சாண்டி. வார இறுதி நாட்களில் கமல் வரும்போதும் அவரிடம் பேசி அப்ளாஸ் அள்ளுகிறார் அவர்.
அனைத்து போட்டியாளர்களிடமும் அன்பு பாராட்டுவதால் சாண்டி இதுவரை கூட எலிமினேஷனுக்காக பரிந்துரை செய்யப்பட்டது கிடையாது. சிலரை கலாய்க்கும் போது அவர்களுக்கு கோபம் வந்துவிடும். ஆனால் அவர்கள் கூட சாண்டியின் பெயரை எலிமினேஷன்க்கு பரிந்துரைக்கவில்லை என்பது குறிப்பிடத்தக்கது.
https://twitter.com/bigboss3_clips/status/1151339129608626177
இந்நிலையில் பிக்பாஸ் நிகழ்ச்சியில் நீக்கப்பட்ட காட்சிகள் சமூகவலைதளங்களில் வெளியிடப்பட்டு வருகின்றன. அந்த வகையில் சென்னையில் மழை பெய்த இரவில் சாண்டி மைக்கேல் ஜாக்சன் போல நடனமாடும் வீடியோ ட்விட்டரில் வெளிவந்துள்ளது.
மைக்கேல் ஜாக்சனின் மூன் வாக் செய்யும் சாண்டியை கவின் மற்றும் சரவணன் உள்ளிட்டோர் பாராட்டுகின்றனர். தவிர, அப்பக்கமாக வரும் சாக்ஷி மூன் வாக் செய்வதை சாண்டியிடம் இருந்து கற்றுக் கொள்கிறார். அவருடைய மூன் வாக் அச்சு அசல் மைக்கேல் ஜாக்சன் போலவே இருப்பதாக பார்வையாளர்கள் கமெண்டுகள் செய்து வருகின்றனர்.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
