தமிழில் வளர்ந்து வரும் நடிகைகளில் ஒருவராக இருப்பவர் நடிகை ரெஜினா. கண்ட நாள் முதல் படத்தின் மூலம் தமிழில் அறிமுகமானார். அப்போது அவருக்கு வயது 16. இதே போன்று தெலுங்கில் ஷிவா மனசுலோ ஸ்ருதி என்ற படத்தின் மூலம் அறிமுகமாகியுள்ளார். மனதத்துவ பிரிவில் பட்டம் பெற்றுள்ள ரெஜினாவிற்கு சினிமாவில் அதிக ஆர்வம் இருந்ததால், அவர் நடிப்பிற்கு வந்துவிட்டார்.
கண்ட நாள் முதல் மற்றும் அழகிய அசுரா ஆகிய இரு படங்களில் நடித்த பிறகு பட்டப்படிப்பை நிறைவு செய்துள்ளார். சினிமா வாய்ப்பு இல்லாத போது பல குறும்படங்களில் நடித்து முடித்துள்ளார். கிட்டத்தட்ட 20க்கும் மேற்பட்ட படங்களில் நடித்து முடித்துள்ளார். தமிழ், தெலுங்கு, கன்னடம் மற்றும் ஹிந்தி ஆகிய மொழிப்படங்களில் நடிப்புத் திறமையை வெளிப்படுத்தியுள்ளார்.
https://www.instagram.com/p/Bt2mGxjFi6O/
அண்மையில், இவரது நடிப்பில் வெளியான த்ரில்லர் படம் 7. இப்படத்தில் வில்லி கதாபாத்திரத்தில் நடித்து ரசிகர்களிடையே நல்ல வரவேற்பைப் பெற்றுள்ளார். இந்த நிலையில், கடந்த 13ம் தேதி இவருக்கு நிச்சயதார்த்தம் முடிந்ததாக தகவல் வெளியாகியுள்ளது. பிரபல நடிகர் ஒருவரை தான் திருமணம் செய்து கொள்ள இருக்கிறார் என்று கூறப்படுகிறது. ஆனால், இது குறித்து முறையான அறிவிப்பு எதுவும் வெளியாவில்லை. மேலும், ரெஜினா தரப்பிலும் இதற்கு மறுப்பு ஏதும் தெரிவிக்கப்படவில்லை.
https://www.instagram.com/p/Bu7lhPeliDZ/
என்ன காரணம் என்று பார்க்கும் பொழுது, இவருக்கு அரவிந்த் சாமியின் கள்ளபார்ட், கசட தபற ஆகிய இரு படங்கள் மட்டுமே கைவசம் உள்ளது. நெஞ்சம் மறப்பதில்லை மற்றும் பார்ட்டி ஆகிய இரு படங்கள் தாமதம் ஆகிவிட்டது. கைவசம் வேறு எந்த படமும் இல்லாததால், திருமணம் செய்து கொண்டு செட்டிலாக முடிவு செய்துவிட்டதாக கூறப்படுகிறது. அதற்கான முதல் முடிவாக அவர் ரகசியமாக நிச்சயதார்த்தம் செய்து கொண்டார் என்று தகவல் உலா வருகிறது.
சமீபகாலமாக சினிமா பிரபலங்கள் பலரும் திருமணம் செய்து கொண்டு வருகின்றனர். விஷால் கூட தெலுங்கு நடிகையான அனிஷா அல்லாவை திருமணம்செய்து கொள்ள இருக்கிறார். இதற்கு முன்னதாக ஆர்யா – சாயிஷா திருமணம் நடந்துள்ளது என்பது குறிப்பிடத்தக்கது.
கடந்த சில தினங்களுக்கு முன்பு சமயம் தமிழ் இணையதளத்திற்கு பேட்டியளித்திருந்தார். அதில், இப்பொழுது தான் 7 என்ற படத்தின் மூலம் வில்லியாக நடித்துள்ளேன். எனக்கு தமிழ் தான் முக்கியம். நான் சென்னைப் பொண்ணு என்று கூறியிருந்தார் என்பது குறிப்பிடத்தக்கது.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
