சிம்பு மற்றும் ஹன்சிகா இருவரும் இருக்கும் மஹா படத்தின் படப்பிடிப்பு புகைப்படம் ஒன்று சமூக வலைதளங்களில் வைரலாகி வருகிறது.
ஒரு காலத்தில் தமிழ் சினிமாவில் முன்னணி நடிகைகளில் ஒருவராக இருந்தவர் ஹன்சிகா. தளபதி விஜய், தனுஷ், சூர்யா, விஷால் ஆகியோடன் இணைந்து பல படங்களில் நடித்துள்ளார். ஆனால், அதன் பிறகு சினிமா வாய்ப்பு குறைய மற்ற நடிகைகளைப் போன்று ஹீரோயினுக்கு முக்கியத்துவம் உள்ள படங்களில் நடிப்பதற்கு ஆர்வம் காட்டி வருகிறார்.
https://twitter.com/TSFC_Off/status/1132708575615234048
அதில், முக்கியமான படமாக ஹன்சிகாவின் 50ஆவது படமான மஹா படம் கருதப்படுகிறது. அறிமுக இயக்குனர் யு ஆர் ஜமீல் இயக்கத்தில் உருவாகி வரும் இப்படத்தில், ஹன்சிகா மாறுபட்ட கதாபாத்திரத்தில் நடித்து வருகிறார். இவருடன் இணைந்து, ஸ்ரீகாந்த், நாசர், தம்பி ராமையா, சாயாசிங் ஆகியோர் பலர் நடித்து வருகின்றனர்.
#Maha Shooting Spot @ihansika and Dir #Jameel pic.twitter.com/DsAdWPe8oK
— STR (@iamstr_official) May 27, 2019
எட்செட்ரா எண்டர்டயின்மெண்ட் நிறுவனத்தின் மூலம் மதியழகன் இப்படத்தை தயாரித்து வருகிறார். கிப்ரான் இப்படத்திற்கு இசையமைத்து வருகிறார். இந்த நிலையில், இப்படத்தில் மாஸ் ஹீரோ சிம்புவும் இணைந்துள்ளார். இன்று முதல் படப்பிடிப்பிலும் கலந்து கொண்டுள்ளார். இயக்குனருடன் சிம்பு மற்றும் ஹன்சிகா இருவரும் நடுக்கடலில் போட்டில் நின்று கொண்டிருக்கும் புகைப்படம் ஒன்று சமூக வலைதளங்களில் வைரலாகி வருகிறது.
இதற்கு முன்னதாக, வாலு படத்தில் சிம்பு மற்றும் ஹன்சிகா இருவரும் ஜோடி சேர்ந்து நடித்திருந்தனர். இப்படத்தின் மூலம் இருவரும் காதலிப்பதாகவும், பின்னர் கருத்து வேறுபாடு காரணமாக இருவரும் பிரிந்துவிட்டதாகவும் கிசுகிசுக்கப்பட்டது என்பது குறிப்பிடத்தக்கது.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
