தமிழ் சினிமாவின் முன்னணி இசையமைப்பாளர்களில் ஒருவர் ஹாரிஸ் ஜெயராஜ். கடந்த ஆண்டு இவருக்கு எந்தப் படமும் அமையவில்லை. தற்போது நடிகர் கார்த்தி நடிப்பில் உருவாகி வரும் ‘தேவ்’ படத்திற்கு இவர் இசையமைத்து வருகிறார். இந்தப் படம் அடுத்த மாதம் வெளியாகிறது.
இந்நிலையில் ஹாரிஸ் ஜெயராஜ் சமீபத்தில் அளித்த பேட்டியில், அவரிடம் ஏ.ஆர்.முருகதாஸ்- ரஜினி இணையும் படத்திற்கு நீங்கள் தான் இசை என கூறப்படுகிறதே என்றதற்கு, அவர், ‘‘ரஜினி சாருடன் மட்டும் இன்னும் நான் பணிபுரியவில்லை. அப்படியொரு வாய்ப்பு கிடைத்தால் அதிக சந்தோஷமடைவேன்.
இதுவரை அப்படி எதுவும் முடிவாகவில்லை. அவருடைய படத்துக்கு இசையமைக்க வேண்டும் என்ற ஏக்கமுள்ளது. ஆனால், நான் உதவியாளராக இருந்தபோது ரஜினி சார் நடித்த பல படங்களுக்கு கீபோர்டு வாசித்துள்ளேன்’’ என்றார்.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
