தொடர்ந்து மருத்துவமனையில் சிகிச்சை பெற்று வந்த காதர் கான் உடல்நலக் குறைவு காரணமாக காலமானார்.
பாலிவுட்டில் மிகவும் பிரபலமான நடிகராக இருந்தவர் காதர் கான் (81). காபூலில் பிறந்த இவர், கடந்த 1973ம் ஆண்டு ராஜேஷ் கண்ணாவின் டாக் என்ற படத்தின் மூலம் அறிமுகமாகி தொடர்ந்து நடித்து வருகிறார். காமெடி, குணச்சித்திர கதாபாத்திரம், வில்லன் என்று கலக்கிய இவர் கிட்டத்தட்ட 300 படங்களுக்கு மேல் நடித்துள்ளார். 250 படங்களுக்கு மேல் வசனம் எழுதியுள்ளார்.
இந்த நிலையில், உடல் நலக் குறைவு ஏற்பட்டு கனடாவில் தொடர்ந்து 16 வாரங்களுக்கு மேலாக டொரோண்டோவில் உள்ள மருத்துவமனையில் சிகிச்சை பெற்று வந்தார். அவருக்கு தொடர்ந்து சிகிச்சை அளிக்கப்பட்டு வந்தது. இதனை அறிந்த பாலிவுட் சூப்பர் ஹீரோ அமிதாப் பச்சன் அவர் விரைவில் குணமடைய வேண்டும் என்று பிரார்த்தனை செய்வதாக கூறியிருந்தார்.
இந்த நிலையில், நேற்று மாலை 6 மணிக்கு சிகிச்சை பலனின்றி உயிரிழந்தார் என்று மருத்துவமனை தரப்பில் தெரிவிக்கப்பட்டுள்ளது. இதனை அவரது மகன் சர்ப்ஃராஸ் கானும் உறுதி செய்துள்ளார் என்பது குறிப்பிடத்தக்கது. இதையடுத்து அவரது இறுதிச் சடங்கு இன்று டொரோண்டோவில் நடக்கிறது.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
