தல அஜித் நடிப்பில் உருவாகி வரும் விஸ்வாசம் படத்தின் 2வது லுக் போஸ்டர் தற்போது வெளியாகி வைரலாகியுள்ளது.
வீரம், விவேகம், வேதாளம் உள்ளிட்ட படங்களைத் தொடர்ந்து, நடிகர் அஜித் நான்காவது முறையாக இயக்குநர் சிவாவுடன் இணைந்திருக்கும் திரைப்படம் ‘விஸ்வாசம்’. இதில், அஜித்துக்கு ஜோடியாக நடிகை நயன்தாரா நடித்து வருகிறார். மேலும், யோகிபாபு, ரோபோ சங்கர் மற்றும் தம்பி ராமையா உள்ளிட்ட நடிகர்களும் இப்படத்தில் நடிக்கின்றனர்.
சத்ய ஜோதி பிலிம்ஸ் தயாரிக்கும் இப்படத்திற்கு, இசையமைப்பாளர் டி.இமான் இசையமைக்கிறார். வரும் பொங்கலன்று வெளியாகும் இப்படத்தின் பர்ஸ்ட் லுக் போஸ்டர் கடந்த சில வாரங்களுக்கு முன் வெளியாகி ரசிகர்கள் மத்தியில் நல்ல வரவேற்பைப் பெற்றது.
இதைத்தொடர்ந்து, இப்படத்தின் 2வது லுக் போஸ்டர் தற்போது வெளியாகியுள்ளது. இந்த போஸ்டரில் தல அஜித் பைக்கில் அமர்ந்தபடி கையை தூக்கிக்கொண்டு இருப்பது போன்றும் தலையில், ஹெல்மெட் அணிந்தபடி இருப்பது போன்றும் அமைந்துள்ளது. போஸ்டரில் 2019ம் ஆண்டு பொங்கல் என்று குறிப்பிடப்பட்டுள்ளது. அதனால், விஸ்வாசம் கண்டிப்பாக பொங்கலுக்கு வெளியாகும் என்பது தெளிவாகியுள்ளது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
