பிக் பாஸ் 2 நிகழ்ச்சியின் மூலம் மிகவும் பிரபலமான நடிகர் மகத் தற்போது சுந்தர் சி இயக்கத்தில் நடிக்க ஒப்பந்தம் செய்யப்பட்டுள்ளார்.
தல அஜித்துடன் இணைந்து மங்காத்தா மற்றும் தளபதி விஜய்யுடன் இணைந்து ஜில்லா ஆகிய படங்களில் நடித்துள்ளார் நடிகர் மகத். இப்படங்களைத் தொடர்ந்து, தனியார் தொலைக்காட்சியில் கமல் ஹாசன் தொகுத்து வழங்கிய பிக் பாஸ் 2 நிகழ்ச்சியின் மூலம் மிகவும் பிரபலமானார். இந்நிகழ்ச்சியில் இருந்து வெளியேறிய அவருக்கு தற்போது சினிமா வாய்ப்புகள் வரத் தொடங்கியுள்ளது. அதற்கு முதல் படிக்கட்டாக சுந்தர் சி அமைந்துள்ளார்.
ஆம், இவரது இயக்கத்தில் சிம்பு நடிப்பில் உருவாகி வரும் புதிய படத்தில் நடிப்பதற்கு மகத் ஒப்பந்தம் செய்யப்பட்டுள்ளார். சமீபத்தில் இப்படத்தின் படப்பிடிப்பு ஜார்ஜியாவில் நடந்து முடிந்துள்ளது. அட்டரிந்திகி தரேடி என்ற தெலுங்கு படத்தின் தமிழ் ரீமேக்காக இப்படம் உருவாகி வருகிறது. இப்படத்தை லைகா தயாரிப்பு நிறுவனம் தயாரித்து வருகிறது என்பது குறிப்பிடத்தக்கது.
இது குறித்து மகத் தனது டுவிட்டர் பக்கத்தில் கூறியிருப்பதாவது: அதிக ஆர்வமாக இருக்கிறேன். மற்ற தகவல்கள் விரைவில் வரும் என்று அவர் குறிப்பிட்டுள்ளார் என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
