பாலிவுட்டில் இந்தாண்டு திருமண ஆண்டு போல. நடப்பாண்டில் இந்தி சினிமா துறையின் முன்னணி நடிகர், நடிகைகள் பலர் இல்லற வாழ்வில் இன்பமாக இணைந்துள்ளனர்.
கடந்த இரண்டு தினங்களுக்கு முன்பு நடிகை சோனம் கபூர் தனது நீண்ட நாள் காதலர் ஆனந்த அகுஜாவை மணமுடித்தார். இவர்களது திருமணத்திற்கான கொண்டாட்டங்களே இன்னும் முடியாத நிலையில், பாலிவுட் சினிமாவின் மற்றொரு நடிகைக்கு இன்று திருமணம் நடந்துள்ளது.
உங்கிளி, தே தனா தன், சிங் இஸ் கிங் போன்ற படங்களில் நடித்து பிரபலமானவர் நேஹா தூபியா. இந்தி படங்கள் மட்டுமின்றி, சில ஜப்பானிய மொழி படங்கள், பாகிஸ்தான் நாட்டு படங்கள், அமெரிக்காவில் சில தொலைக்காட்சி தொடர்களிலும் நேஹா தூபியா நடித்துள்ளார்.
கடந்தாண்டு இவர் நடிப்பில் வெளியான தும்ஹாரி சூலு மற்றும் ஹிந்தி மீடியம் போன்ற படங்களும் வெளியாகி நல்ல வரவேற்பை பெற்றன. சமீபமாக இவர் ’கலர்ஸ் இன்ஃபினிட்டி’ தொலைக்காட்சியில் உரையாடல் நிகழ்ச்சி ஒன்றை தொகுத்து வழங்கியும் வருகிறார்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
