தமிழக சட்டமன்ற தேர்தலில் போட்டியிடும் வேட்பாளரிடம் அஜித் ரசிகர் ஒருவர் வலிமை படத்தின் அப்பேட் எப்போது வரும் கேட்டிருக்கிறார்.
தமிழக சட்டமன்ற தேர்தல் வரும் ஏப்ரல் 6-ம் தேதி நடைப்பெறுகிறது. அனைத்து அரசியல் கட்சிகளும் வேட்பாளர் பட்டியலை அறிவித்துவிட்டு வேட்பு மனுக்களையும் தாக்கல் செய்து வருகின்றனர்.
இந்நிலையில் நேற்று பாஜக தனது வேட்பாளர் பட்டியலை வெளியிட்டது. அதில் கோவை தெற்கு தொகுதியில் வானதி சீனிவாசன் போட்டியிடுவதாக அறிவிக்கப்பட்டிருந்தது. இதையடுத்து பாஜக தொண்டர் ஒருவர் அஜித் நடிக்கும் ‘வலிமை அப்டேட் எப்ப’ என சமூக வலைத்தளத்தில் வானதியிடம் கேட்டிருக்கிறார்.
அதற்கு, ’நான் வெற்றி பெற்ற உடன் நிச்சயமாக வலிமை பட அப்டேட் கிடைக்கும் தம்பி’ என பதிலளித்தார் வானதி சீனிவாசன். இந்த பதிவு தற்போது வைரலாகி வருகிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
