முன்னாள் இந்திய கிரிக்கெட் வீரர் இர்பான் பதான், கோப்ரா படப்பிடிப்பிற்காக ரஷியா சென்றுள்ளதாக தனது டுவிட்டர் பக்கத்தில் பதிவிட்டுள்ளார்.
அஜய் ஞானமுத்து இயக்கத்தில் விக்ரம் நடிக்கும் படம் ‘கோப்ரா’. கடந்தாண்டு இதன் இறுதிக்கட்ட படப்பிடிப்பு ரஷியாவில் நடந்தபோது கொரோனா பரவலால் முடங்கியது. எனவே விடுபட்ட காட்சிகளை படமாக்க விக்ரம் உள்ளிட்ட கோப்ரா படக்குழுவினர் மீண்டும் ரஷியா சென்றுள்ளனர்.
இந்நிலையில், இப்படத்தில் வில்லனாக நடிக்கும் முன்னாள் இந்திய கிரிக்கெட் வீரர் இர்பான் பதான், கோப்ரா படப்பிடிப்பிற்காக ரஷியா சென்றுள்ளதாக தனது டுவிட்டர் பக்கத்தில் பதிவிட்டுள்ளார்.
அங்கு இரண்டு வாரம் படப்பிடிப்பை நடத்திவிட்டு படக்குழு சென்னை திரும்புகிறார்கள். இந்தப் படத்தில் நாயகிகளாக ஸ்ரீநிதி ஷெட்டி, மியா ஜார்ஜ் ஆகியோர் நடிக்கிறார்கள். கோப்ரா படத்தை முடித்துவிட்டு மணிரத்னம் இயக்கும் பொன்னியின் செல்வன் படப்பிடிப்பில் விக்ரம் பங்கேற்க உள்ளார்
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
