ஹெச்.வினோத் இயக்கத்தில் அஜித் நடிக்கும் வலிமை படத்தின் ரிலீஸ் தேதி குறித்த புதிய தகவல் வெளியாகி உள்ளது.
அஜித்குமாரின் வலிமை படத்தை ஹெச்.வினோத் இயக்கி வருகிறார். போனி கபூர் தயாரிக்கும் இப்படத்திற்கு யுவன் ஷங்கர் ராஜா இசையமைக்கிறார். ஹூமா குரேசி அஜித்துக்கு ஜோடியாக நடிக்க, தெலுங்கு நடிகர் கார்த்திகேயா இப்படத்தில் வில்லனாக நடிக்கிறார். இதன் படப்பிடிப்பு ஐதராபாத்தில் கொரோனாவுக்கு முன்பே தொடங்கியது. ஊரடங்கு தளர்வில் மீண்டும் படப்பிடிப்பை நடத்தினர்.
அஜித்தின் பைக் சாகச காட்சியை படமாக்கியபோது அவருக்கு காலில் காயம் ஏற்பட்டது. தற்போது படக்குழுவினர் சென்னை திரும்பி உள்ளனர். 20 சதவீத படப்பிடிப்பு மட்டுமே பாக்கி உள்ளது. விரைவில் ஐதராபாத்தில் மீண்டும் படப்பிடிப்பு நடக்க உள்ளது. வலிமை படத்தை அஜித்குமாரின் பிறந்த நாளான மே 1-ந்தேதி ரிலீஸ் செய்ய ஆலோசிப்பதாக தகவல் வெளியாகி உள்ளது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
