விஷ்ணு விஷால் படத்திற்கு கிடைத்த மிகப்பெரிய கௌரவம்

விஷ்ணு விஷால், அமலா பால் நடிப்பில் வெளியாகி சூப்பர் ஹிட்டான ராட்சசன் திரைப்படத்திற்கு மிகப்பெரிய கௌரவம் கிடைத்துள்ளது.

ராம்குமார் இயக்கத்தில் விஷ்ணு விஷால், அமலா பால், காளி வெங்கட் உள்ளிட்டோர் நடிப்பில் கடந்த 2018-ம் ஆண்டு வெளியான படம் ‘ராட்சசன்’. ஜிப்ரான் இசையமைத்த இந்தப் படத்தை ஆக்சிஸ் பிலிம் பேக்டரி நிறுவனம் தயாரித்திருந்தது.

விஷ்ணு விஷால் நடித்த படங்களிலேயே அதிக வசூலைக் குவித்த இந்தப் படம் விமர்சன ரீதியாகவும் நல்ல வரவேற்பைப் பெற்றது. தமிழை அடுத்து இந்தப் படம் மற்ற மொழிகளிலும் ரீமேக் செய்யப்பட்டது.

இந்நிலையில் ஐ.எம்.டி.பி தளத்தில் அதிக புள்ளிகளைப் பெற்று ‘ராட்சசன்’ திரைப்படம் முதலிடம் பிடித்துள்ளது. அதன்படி முதலிடத்தில் ‘ராட்சசன்’, இரண்டாம் இடத்தில் ‘விக்ரம் வேதா’ 3-ம் இடத்தில் ‘நாயகன்’ ஆகிய படங்கள் உள்ளன. இத்தகவலை ‘ராட்சசன்’ படக்குழுவினர் தங்களது சமூகவலைதளங்களில் பதிவிட்டு மகிழ்ச்சி தெரிவித்துள்ளனர்.

* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!