குருவி படத்தை கிண்டல் செய்ததற்காக மன்னிப்பு கேட்டுள்ளார் நடிகர் பவன்.
அசுரன் கொண்டாட்டம்
வெற்றிமாறன் இயக்கத்தில் தனுஷ் நடித்த அசுரன் படம் 100 நாட்கள் கடந்து ஓடிக் கொண்டிருப்பதையடுத்து கொண்டாட்ட நிகழ்ச்சி நடைபெற்றது. அதில் கலந்து கொண்ட நடிகர் பவன், 100 நாட்கள் என்பது அரிதாகிவிட்டது. கடைசியாக விஜய்யின் குருவிக்கு தான் 150வது நாள். அது எந்த அளவுக்கு உண்மை என்று தெரியவில்லை என்று கூறினார். அதை கேட்டு அங்கிருந்த அனைவரும் சிரித்தார்கள்.
குருவி சர்ச்சை
பவன் பேசியைதை பார்த்த விஜய் ரசிகர்கள் கோபம் அடைந்து சமூக வலைதளங்களில் அவரை திட்டினார்கள். இந்நிலையில் பவன் பேட்டி ஒன்றில் விஜய் மற்றும் குருவி படக்குழுவிடம் மன்னிப்பு கேட்டுக் கொண்டுள்ளார். இதில் வியப்பு என்னவென்றால் குருவி படத்தில் பவன் வில்லனாக நடித்திருந்தார்.
பவன்
விஜய்யின் குருவி படத்திலேயே நடித்துவிட்டு அதை கிண்டல் செய்வது நல்லது அல்ல. ஒரு நடிகராக, மெச்சூராக நடந்து கொள்ளுங்கள் என்கிறார்கள் விஜய் ரசிகர்கள். சிலரோ பவனை கண்டமேனிக்கு திட்டியுள்ளனர்.
விஜய், அஜித்
பவன் முன்னதாக வட சென்னை படத்தில் முக்கியமான கதாபாத்திரத்தில் நடித்திருந்தார். அவர் விஜய் தவிர்த்து அஜித், விஷால், நகுல், ஆர்யா உள்ளிட்டோரின் படங்களிலும் நடித்துள்ளார். மேலும் அவர் சில பிரபல மலையாள படங்களிலும் நடித்துள்ளார் என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
