ஹைதராபாத்தில் அஜித் மற்றும் ரஜினிகாந்த் ஆகியோரின் பட ஷூட்டிங் ஒரே இடத்தில் நடக்கிறது.
ஹெச். வினோத் இயக்கத்தில் அஜித் நடிக்கும் வலிமை படத்தின் ஷூட்டிங் ஹைதராபாத்தில் உள்ள ராமோஜி ராவ் பிலிம் சிட்டியில் நடக்கிறது. இதற்காக அங்கு செட் போடப்பட்டுள்ளது. இந்நிலையில் சிறுத்தை சிவா இயக்கத்தில் ரஜினி நடிக்கும் தலைவர் 168 படப்பிடிப்பையும் ராமோஜி ராவ் பிலிம் சிட்டியில் நடத்த உள்ளனர்.
இரண்டு பட ஷூட்டிங்கும் ஒரே இடத்தில் நடக்க உள்ளதால் அஜித், ரஜினி ஆகியோர் நிச்சயம் சந்தித்து பேசுவார்கள். இருவரும் ஒருவர் மீது மற்றொருவர் மிகுந்த மரியாதை வைத்துள்ளனர். இந்நிலையில் அவர்கள் சந்தித்தால் தமிழக அரசியல் குறித்து பேசுவார்கள் என்று சமூக வலைதளங்களில் கூறப்படுகிறது.
அரசியலே வேண்டாம் என்று ஒதுங்கி இருப்பவர் அஜித். அவர் எப்படி ரஜினியுடன் அரசியல் பேசுவார். மேலும் அஜித்தை பற்றி நன்கு தெரிந்த ரஜினி அவருடன் அரசியல் பேச மாட்டார் என்று நம்பப்படுகிறது. இருவருக்கும் பொதுவான விஷயமான சினிமா குறித்து தான் பேசுவார்கள்.
ஏற்கனவே சிவா அஜித்தை மொத்த குத்தகைக்கு எடுத்து 4 படங்களை இயக்கினார். இந்நிலையில் அவர் ரஜினியை இயக்குவதால் அவர்கள் சிவாவின் ஒர்க்கிங் ஸ்டைல் பற்றி பேசலாம்.
இதற்கிடையே ரஜினி சித்திரை மாதத்தில் தனது கட்சியின் பெயரை அறிவிக்கும் வேலையில் ஈடுபட்டுள்ளதாக கூறப்படுகிறது. இருப்பினும் இந்த தகவல் இதுவரை உறுதி செய்யப்படவில்லை.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
