பாலியல் பலாத்காரம் செய்பவர்களுக்கு பெண்கள் ஒத்துழைப்பு அளிக்க வேண்டும் என்று இயக்குநர் டேனியல் ஷ்ராவன் தெரிவித்துள்ளார்.
தெலுங்கானா கொடூரம்
தெலுங்கானாவில் 27 வயது கால்நடை மருத்துவர் 4 பேரால் பாலியல் பலாத்காரம் செய்து கொலை செய்யப்பட்டுள்ளார். அந்த 4 பேரையும் பொது இடத்தில் அடித்துக் கொல்ல வேண்டும் என்று ராஜ்யசபாவில் பெண் உறுப்பினர்கள் தெரிவித்துள்ளனர். இந்நிலையில் இயக்குநர் ஒருவரோ பலாத்காரம் செய்வதை நியாயப்படுத்தி தனது ஃபேஸ்புக் பக்கத்தில் போஸ்ட் போட்டு அனைவரையும் அதிர்ச்சி அடைய வைத்துள்ளார்.
இயக்குநரின் திமிர் போஸ்ட்
டேனியல் ஷ்ராவன் என்கிற அந்த இயக்குநர் ஃபேஸ்புக்கில் கூறியிருப்பதாவது, 18 வயதுக்கு மேற்பட்ட பெண்களுக்கு பலாத்காரம் பற்றி சொல்லிக் கொடுக்க வேண்டும்(ஆண்களின் ஆசையை எதிர்க்கக் கூடாது). அப்படி செய்தால் தான் இது போன்றவை நடக்காது. வீரப்பனை கொன்றால் கடத்தல் குறையும் என்பதும், லேடனை கொன்றால் தீவிரவாதத்தை கட்டுப்படுத்த முடியும் என்பது முட்டாள்தனம். அதே போன்று நிர்பயா சட்டத்தால் வன்முறை இல்லா பலாத்காரங்களை கட்டுப்படுத்த முடியாது.
செக்ஸ் கல்வி
இந்திய பெண்கள் செக்ஸ் கல்வி குறித்து தெரிந்திருக்க வேண்டும்.(18 வயதிற்கு மேல் ஆணுறைகள் வைத்திருக்க வேண்டும்). செக்ஸ் ஆசை தீர்ந்துவிட்டால் ஆண்கள் பெண்களை கொலை செய்ய மாட்டார்கள். பலாத்காரம் செய்பவர்களை நிர்பயா சட்டம், பெப்பர் ஸ்ப்ரே உள்ளிட்டவற்றை வைத்து அரசு, சமூகம், பெண்கள் அமைப்புகள் பயமுறுத்துகின்றன. ஆண்களின் செக்ஸை பெண்கள் ஏற்க வேண்டும் என்று தெரிவித்துள்ளார் டேனியல். இதை பார்த்த பலரும் டேனியலை விளாச அவர் அந்த ஃபேஸ்புக் போஸ்ட்டை நீக்கிவிட்டார். இருப்பினும் மக்கள் அதை பிரிண்ட் ஸ்கிரீன் எடுத்து வைத்துள்ளனர்.
விளாசிய மக்கள்
போலீஸை அழைக்காமல் பெண்கள் தங்கள் உயிரை காக்க பலாத்காரம் செய்பவர்களுக்கு ஒத்துழைப்பு அளிக்க வேண்டும் என்று தெரிவித்து போஸ்ட் போட்டதுடன் சும்மா இல்லாமல் அதை விளாசியவர்களுக்கு பதில் வேறு அளித்துள்ளார். டேனியலின் பதிலை பார்த்தவர்கள் அவரை பெற்ற தாயை பார்க்க வேண்டும் என்று தெரிவித்துள்ளனர். இது போன்ற கேடுகேட்ட ஆண்கள் தான் பெண்களுக்கு எதிரான குற்றங்கள் அதிகரிக்க காரணம் என்று நெட்டிசன்கள் கூறியுள்ளனர். டேனியலின் போஸ்ட்டுகளை பாடகி சின்மயி ட்வீட் செய்துள்ளார்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
