கவின் ஆதரவாளர்களுக்கு நெத்தியடி கொடுப்பது போன்று ட்வீட்டுகள் போட்டுள்ளார் இயக்குநர் சேரன்.
கவின் ரசிகர்கள் விளாசல்
பிக் பாஸ் 3 வீட்டில் இருந்தபோது கவின், லோஸ்லியா காதலிப்பதை பார்த்த சேரன் இதை எல்லாம் வெளியே வைத்துக் கொள்ளுங்கள் என்றார். அதில் இருந்து கவின், லோஸ்லியா ஆதரவாளர்கள் சேரனை ட்விட்டரில் தொடர்ந்து விளாசிக் கொண்டிருக்கிறார்கள். கவின் என்றாவது உங்களை பற்றி தவறாக பேசியுள்ளாரா, நீங்கள் தான் மோசமாக பேசுகிறீர்கள் என்று திட்டுகிறார்கள். இனி கவின், லோஸ்லியா பெயரை கூட சொல்ல மாட்டேன் என்று சேரன் தெரிவித்திருந்தார். இருப்பினும் கவின் ஆதரவாளர்கள் அவரை கடுமையாக விமர்சிப்பதை நிறுத்தவில்லை.
சேரன் நெத்தியடி
கவின் ஆதரவாளர்கள் தொடர்ந்து விமர்சித்து வரும் நிலையில் அவர்களுக்கு பதில் அளிப்பது போன்று ட்வீட் போட்டுள்ளார் சேரன். அந்த ட்வீட்டில் அவர் கூறியிருப்பதாவது, ஒருத்தரபாத்து சம்பந்தமே இல்லாம பொறாமை பட்டு சாவுறதவிட ஒழுங்கா உழைச்சு பொழைச்சு போட்டியா வந்து நின்னுகாட்டலாம்ல. முகத்தை காமிக்காம இன்னொரு படத்தைவச்சு ஒளிஞ்சுக்குறத விட நீ உன் போட்டோவ வச்சு தில்லா நின்னு பதில் சொல்லு அங்க ஆரம்பிக்கும் உன் வெற்றி. இதுக்குமேல பதிலுமில்ல.. பதிவுமில்ல. மேலும் அந்த ட்வீட்டில் இருக்கும் ஜோக்கர் புகைப்படத்தில், ஒருவனை கடுப்பேத்தி வெறுப்பேத்தி வெறியனாக்கி தவறுகள் பல செய்ய வைத்து இது தான் அவன் சுயரூபம் என சொல்லும் சமூகம் இது என்று குறிப்பிடப்பட்டுள்ளது.
மற்றவர்களை மாற்ற அவசியமில்லை
என் படம் வரும்போது பார்த்து ரசிங்க நல்லா இருந்தா பாராட்டுங்க போதும். எனக்காக நீங்க இதில் நேரம் செலவிடுவதை நான் விரும்பவில்லை. மற்றவர்களை மாற்ற நமக்கு அவசியமில்லை. புரிந்து கொள்ளாமல் பேசுபவர்களுக்கு காலம் பதில் சொல்லும். அவசியமில்லாமல் அநாவசியமானவர்களின் அவச்சொல் கேட்க விரும்பவில்லை என்று சேரன் மேலும் ஒரு ட்வீட் போட்டுள்ளார். அவரின் ட்வீட்டுகளை பார்த்து கவின் ஆதரவாளர்கள் மேலும் விளாசத் துவங்கியுள்ளனர்.
ரசிகர்களுக்கு வேண்டுகோள்
தாங்கள் வைத்திருக்கும் அபிமான பக்கங்களை கலைத்துவிட்டு தங்களின் ப்ரத்யோக பக்கங்களில் பதிவுகளை இடுங்கள். தவறாக நினைக்க வேண்டாம். அனைவரின் நலன் கருதியே சொல்கிறேன்.
முக்கியமாக சகோதரர் கவின் பற்றி வரும் பதிவுகளில் எந்த பதிலும் இட வேண்டாம். நம்மை பிடிக்கவில்லையெனில் ஒதுங்கி நிற்பதே மரியாதை என்று தெரிவித்துள்ளார் சேரன். சேரனின் ட்வீட்டை பார்த்த கவின் ரசிகர்கள், நீங்கள் ஏன் பேட்டியில் கவின் பற்றி தவறாக பேசினீர்கள். முதலில் அதற்கு சொல்லுங்க. போதும் உங்களின் நடிப்பை நிறுத்திக் கொள்ளுங்கள். நாங்க ஒன்னும் ஆரம்பிக்கவில்லை என்று தெரிவித்துள்ளனர்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
