நயன்தாரா பற்றி வெளியான தகவலில் எந்த அளவுக்கு உண்மை உள்ளது என்பது தெரிய வந்துள்ளது.
பிகில், கைதி படங்கள் வெளியாகி வெற்றிகரமாக ஓடிக் கொண்டிருந்தாலும் திரையுலக பிரபலங்கள் முதல் ரசிகர்கள் வரை அனைவரும் அதிகமாக பேசிக் கொண்டிருப்பது நயன்தாராவை பற்றித் தான்.
இயக்குநர் ஏ.ஆர். முருகதாஸின் கஜினி படத்தில் நடித்தது தான் நான் என் கெரியரில் செய்த மிகப் பெரிய தவறு என்று நயன்தாரா அண்மையில் தெரிவித்து குண்டை தூக்கிப் போட்டார். அது குறித்து முருகதாஸ் இதுவரை கருத்து எதுவும் தெரிவிக்கவில்லை.
இதையடுத்து நயன்தாரா ஆர். ஜே. பாலாஜியின் மூக்குத்தி அம்மன் படத்தில் நடிக்கிறார் என்று அறிவிப்பு வெளியானது. அதை பார்த்தவர்கள் நயன்தாராவுக்கு என்னாச்சு, ரஜினி, விஜய், அஜித்துக்கு ஜோடியாகவும் நடிக்கிறார் ஆர்.ஜே. பாலாஜிக்கு ஜோடியாக நடிக்கவும் ஒப்புக் கொண்டுள்ளாரே என்று வியந்தார்கள்.
இந்நிலையில் தான் மூக்குத்தி அம்மன் குறித்த உண்மை தெரிய வந்துள்ளது. மூக்குத்தி அம்மன் படத்தில் நயன்தாரா நடிப்பது உண்மையே. ஆனால் அவர் பாலாஜியின் ஜோடியாக நடிக்கவில்லை என்று தகவல் வெளியாகியுள்ளது.
முன்னதாக கோலமாவு கோகிலா படத்தில் யோகி பாபு நயன்தாராவை சுற்றி, சுற்றி வந்து காதலித்தார். அதே போன்று ஆர்.ஜே. பாலாஜியும் செய்வாரோ என்று நயன்தாரா ரசிகர்கள் ஒரு நிமிடம் பதறிவிட்டனர்.
மூக்குத்தி அம்மன் படத்தில் வெயிட்டான கதாபாத்திரமாக இருக்கும். அதனால் தான் நயன்தாரா நடிக்க ஒப்புக் கொண்டுள்ளார். தொடர்ந்து பெரிய ஹீரோக்களின் படங்களில் டூயட் பாடி அவருக்கு போர் அடித்துவிட்டது போன்று என்று விமர்சனம் எழுந்துள்ளது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
