சிம்பு பஞ்சாயத்து போய்க் கொண்டிருக்கும் நிலையில் சுரேஷ் காமாட்சி ப்ளூ சட்டை மாறன் இயக்கி வரும் படத்தில் முழு கவனம் செலுத்தி வருகிறார்.
வெங்கட் பிரபு இயக்கத்தில் சுரேஷ் காமாட்சி தயாரிப்பில் சிம்பு மாநாடு படத்தில் நடிக்கவிருந்தார். ஆனால் கொடுத்த தேதிக்கு ஷூட்டிங்கிற்கு வரவில்லை என்று கூறி சிம்புவை படத்தில் இருந்து நீக்கினார்கள்.
இது குறித்து சுரேஷ் காமாட்சி அறிவிப்பு வெளியிட சிம்பு ரசிகர்கள் கடுப்பாகி அவரை விளாசினார்கள். இந்நிலையில் மாநாடு படத்தில் சிம்புவையே நடிக்க வைக்க பேச்சுவார்த்தை நடந்து வருகிறது.
இதற்கிடையே சுரேஷ் காமாட்சி ப்ளூ சட்டை மாறன் இயக்கி வரும் படத்தில் பிசியாக உள்ளார். (ப்ளூ சட்டை மாறனின் படத்தை சுரேஷ் காமாட்சி தான் தயாரித்து வருகிறார்.) விமர்சனம் செய்கிறேன் என்கிற பெயரில் பல படங்களை கிழித்து தொங்கவிட்ட ப்ளூ சட்டை மாறன் இயக்குநர் அவதாரம் எடுத்துள்ளார்.
அவர் இயக்கி வரும் படத்தின் ஷூட்டிங் செப்டம்பர் மாதம் 14ம் தேதி துவங்கியது. சத்தமில்லாமல் முதல்கட்ட படப்பிடிப்பை முடித்து விட்டாராம் மாறன். படம் குறித்து எந்த தகவலும் இதுவரை வெளியாகவில்லை.
இருப்பினும் படம் வரட்டும் கிழி, கிழின்னு கிழிக்காமல் விட மாட்டோம் என்று கோலிவுட்டில் பலர் கடுப்புடன் காத்துக் கொண்டிருக்கிறார்கள். கர்மா யாரை விட்டது. ப்ளூ சட்டை மாறன் மற்றவர்களின் படங்களை விளாசித் தள்ளினார். தற்போது அவருக்கு அதே ட்ரீட்மென்ட்டை கொடுக்க பலர் தயாராக உள்ளனர்.
கோலிவுட்காரர்கள் மட்டும் அல்ல சில பிரபல நடிகர்களின் ரசிகர்களும் ப்ளூ சட்டை மாறனின் படத்தை விளாசத் துடித்துக் கொண்டிருக்கிறார்கள் என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
