ஷங்கர் இயக்கத்தில் கமல்ஹாசன் தற்போது நடித்து வரும் படம் இந்தியன் 2. இதில் கமலுடன் இணைந்து காஜல் அகர்வால், சித்தார்த், ரகுல் ப்ரீத் சிங், ப்ரியா பவானி சங்கர், விவேக், வித்யுத் ஜம்வால் உள்ளிட்டோர் நடித்து வருகின்றனர்.
இந்த நிலையில் இதில் விவேக் நடித்து வரும் கதாபாத்திரம் குறித்த தகவல் வெளியாகியுள்ளது. இதில் விவேக் சிபிஐ அதிகாரியாக நடித்து வருவதாக கூறப்படுகிறது. மேலும் இது வரை பார்க்காத விவேக்கை இந்த படத்தில் பார்க்கலாம் என்றும் கூறப்படுகிறது. அது மட்டுமின்றி முதல் முறையாக இந்த படம் மூலம் தான் கமல் ஹாசன்- விவேக் கூட்டணி இணைந்துள்ளது.
இந்தியன் படத்தில் சிபிஐ கதாபாத்திரத்தில் நடித்த நெடுமுடி வேணு படத்தின் திருப்புமுனையாக அமைத்து இருந்தது. விவேக் நடிப்பில் நடிப்பில் வெளியான ‘வெள்ளைப்பூக்கள்’ படத்தில் ஐபிஎஸ் அதிகாரியாக தனது அதிரடி நடிப்பை வெளிப்படுத்தி இருந்தார் என்பது குறிப்பிடத்தக்கது.
இந்தியன் 2 படத்தின் முதல் கட்ட படப்பிடிப்பு சென்னை பிரசாத் லேபில் பிரத்யேக செட் அமைக்கப்பட்டு படமாக்கப்பட்டது. தற்போது ஆந்திரா ராஜமுந்திரியில் இரண்டாம் கட்ட படப்பிடிப்பு விறுவிறுப்பாக நடைபெற்று வருவதாக கூறப்படுகிறது.
22 ஆண்டுகளுக்குப் பிறகு உருவாகி வரும் இந்தியன் 2 படத்தை அதிக பொருட் செலவில் லைகா நிறுவனம் தயாரித்து வருகிறது. மேலும் படத்தின் மற்ற அப்டேட் விரைவில் வெளியாகும் என்று எதிர்பார்க்கப்படுகிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
