பிரபல தனியார் தமிழ் தொலைக்காட்சியில் ஒளிபரப்பாகி வந்த பிக் பாஸ் நிகழ்ச்சி பெரும் வரவேற்பை பெற்றது. முதல் இரண்டு சீசன்கள் ஒளிபரப்பாகி முடிந்த நிலையில், விரைவில் மூன்றாவது சீசன் ஒளிபரப்பாக உள்ளது. வரும் 23ஆம் தேதி முதல் நிகழ்ச்சி தொடங்கும் என்று அதிகாரப்பூர்வ அறிவிப்பு வெளியாகியுள்ளது. நீயா நானா என்பது போல், பிக்பாஸ் 3 நிகழ்ச்சியை தொகுத்து வழங்க நயன்தாரா, சூர்யா என சொல்லி வந்த நிலையில் மீண்டும் வழக்கம் போல் நடிகர் கமல் ஹாசனே நிகழ்ச்சியை தொகுத்து வழங்க உள்ளார்.
15 பிரபலங்கள் சேர்ந்து, ஒரே வீட்டில் 100 நாட்கள் வசிக்க வேண்டும். இவர்களுக்கு பல்வேறு போட்டிகள் நடத்தப்பட்டு, இறுதியில் வெற்றியாளர் தேர்வு செய்யப்படுவார். இதில் பொதுமக்களின் வாக்குகளும் முக்கிய பங்காற்றுகின்றன. இடை இடையே கமல்ஹாசன் தன் அரசியல் உரைநடையோடு பிக்பாஸ் வீட்டினுள் இருப்பவர்களுக்கு அறிவுரையும் வழங்குவார்.
பிக்பாஸ் வீட்டிற்கு சென்று வந்தால் பிரபலமடையலாம் என்ற நம்பிக்கையோடு இந்த முறை உங்கள் அபிமான நட்சத்திரங்கள் பிக்பாஸ் வீட்டினுள் இருப்பதாக கூறப்படுகிறது. யார் யார் இருக்கிறார்கள் என்ற ஒரு சில தகவல்கள் வெளியாகியுள்ளன. அவர் யார் என இப்போது பார்க்கலாம்..
முதல் போட்டியாளர் உங்கள் மிருனாளினி
டப்ஸ்மாஸ் மற்றும் டிக்டாக் மூலம் பிரபலமான மிருனாளினி ரசிகர்கள் மனதில் நீங்காத இடம் பிடித்துள்ளார். கடைசியாக தியாகராஜா குமாராராஜா இயக்கத்தில் வெளியான சூப்பர் டீலக்ஸ் படத்தில் இவர் நடித்திருந்தார் என்பது குறிப்பிடத்தக்கது.
2வது போட்டியாளர் சரண் சக்தி
இளம் நாயகர் சரண் சக்தி, இவர் வடசென்னை படத்தில் தனுஷுடன் நடித்திருக்கிறார். தற்போது பிக்பாஸ் வீட்டில் நடித்து வருகிறார். ஆரவ், ஹரீஸ்கல்யான் போன்று இவர் பிரபலமடைவாரா என்பது போக போக தெரியும்
3வது போட்டியாளர் கிரிஷ்
கிரிஷ் ஒரு பின்னணி பாடகர். இவர் பிரபல நடிகை “உயிர்” சங்கீதாவின் கணவர் ஆவார். பல வெற்றி திரைப்பாடல்களை பாடிய கிரிஷ் தற்போது, பிக்பாஸ் வீட்டில் பாடி பிழைக்க வந்துள்ளார். வரவேற்போம்.
4வது போட்டியாளர் மதுமிதா
நகைச்சுவை நடிகை மதுமிதா என்றால் யாருக்கும் தெரியாது. ஜாங்கிரி மதுமிதா என்றால் அனைவருக்கும் தெரியும். ஆம். ஒரு கல் ஒரு கண்ணாடி படத்தில் நகைச்சுவை நடிகர் சந்தானத்திற்கு ஜோடியாக நடித்த மதுமிதா உங்கள் பிக்பாஸ் 3 வீட்டில்.
5வது போட்டியாளர் பூனம் பாஜ்வா
மும்பை ஜிலேபி பூனம் பாஜ்வா பிக்பாஸ் வீட்டில் இருக்கிறார். பல வெற்றிப்படங்களில் நடித்தவர் பூனம் பாஜ்வா. தமிழ் திரையுலகினருக்கு மிகவும் பரிட்ச்சையமானவர்.
6வது போட்டியாளர் விஜே ரம்யா
உங்கள் விஜே ரம்யா பிக்பாஸ் வீட்டில், நம்பமுடியவில்லை. சில பல திரைப்படங்களில் சிறு வேடங்களிலும் இவர் நடித்துள்ளார். தாய் வீட்டின் (விஜய் டிவி) சொல்லை தட்ட முடியாமல் பிக்பாஸ் வீட்டிற்கு வந்திருக்கிறார் போலும்.
மேலும், சாக்ஷி அகர்வால், ஸ்ரீகோபிகா, ஆலியா மானசா, பிரியா ஆனந்த், சிம்ரன், எம்எஸ் பாஸ்கர் உள்ளிட்ட பலரும் பிக்பாஸ் 3 வீட்டில் இருப்பதாக தகவல் வெளியாகியுள்ளது. எதுவாக இருப்பினும், யாராக இருப்பினும் நீண்ட நாட்கள் உண்மையை அடைத்து வைக்க முடியாதே.. வரும் 23ம் தேதி ஆரம்பமாகும் பிக்பாஸ் 3 நிகழ்ச்சி மூலம் யார் யார் இருக்கிறார்கள் என்ற உண்மை தெரிந்துவிடும். பார்க்கலாம் அதுவரை பொறுத்திருக்கலாம்.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
