தமிழ் தொலைக்காட்சி டிவி சீரியல்களில் பலவற்றில் பிஸியாக நடித்து கொண்டிருப்பவர் கவிதா சோலைராஜா. அவற்றில் கல்யாணம் முதல் காதல் வரை(கவிதா பாலா), வள்ளி(கீதா), நீலி(டாக்டர் லட்சுமி), வேலுநாச்சி(சுகந்தி), அவளும் நானும்(கவிதா), ஆனந்தம் மற்றும் உறவுகள் சங்கமம் உள்ளிட்ட சீரியல்களில் நடித்துள்ளார்.
இவர் திரைப்படங்களிலும் நடித்துள்ளார். தற்போது சன் டிவியில் ஒளிபரப்பாகி வரும் ‘நிலா’ சீரியலில் நடித்து வருவதால், அவரை ’நிலா’ புகழ் கவிதா என்று அழைக்கத் தொடங்கியுள்ளனர். இவர் நேற்று(ஜூன் 5) தனது பிறந்த நாளைக் கொண்டாடினார்.
இதையொட்டி தன்னுடைய இன்ஸ்டாகிராம் பக்கத்தில் சில புகைப்படங்களை பதிவிட்டுள்ளார். அதில் சிறுவயதில் எடுக்கப்பட்ட படம் ஒன்று, ரசிகர்களை பெரிதும் கவரும் வகையில் அமைந்துள்ளது. அதில், என்னுடைய குழந்தைப் பருவ படம். எனக்கு மிகவும் பிடித்தமான ஒன்று எனக் குறிப்பிட்டுள்ளார்.
மற்ற இன்ஸ்டாகிராம் பதிவுகளில் திருவேற்காடு தேவி கருமாரியம்மன் கோவிலில் வழிபாடு நடத்தி, கேக் வெட்டிய புகைப்படத்தை பதிவிட்டுள்ளார்.
இது சமூக வலைத்தளங்களில் பெரிதும் வைரலாகி வருகிறது. கவிதா சோலைராஜா சமூக வலைத்தளங்களில் தீவிரமாக இயங்கி வரக் கூடியவர்.
அடிக்கடி தனது வேலையின் போது எடுத்த புகைப்படம் மற்றும் வீடியோக்களை பகிர்ந்து வருகிறார். மேலும் தனிப்பட்ட வாழ்க்கை நிகழ்வுகளையும் ரசிகர்களிடம் பகிர்ந்து கொண்டிருக்கிறார்.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
