நடிகை எமி ஜாக்சன் தான் கர்ப்பமாக இருக்கிறேன் என்று அறிவித்ததைத் தொடர்ந்து எமிக்கும், காதலரான ஜார்ஜ் பனாயிட்டோவுக்கும் இடையில் திருமண நிச்சயதார்த்தம் நடந்துள்ளது.
மதராச பட்டிணம் படத்தின் மூலம் அறிமுகமான எமி ஜாக்சன் ஐ, தெறி, 2.0, என அடுத்தடுத்து பிரமாண்ட படங்களில் நடித்து முன்னனி நடிகையாக உயர்ந்துள்ளார். 2015 முதல் ஜார்ஜ் பனாயிட்டோ என்ற பெரிய தொழிலதிபருடன் டேட்டிங் செல்வதாக முதலில் கூறப்பட்டது. இந்நிலையில் கடந்த மார்ச் 31ம் தேதி திருமணம் செய்துகொள்வதற்கு முன்னரே, எமி ஜாக்சன் கர்ப்பமாக இருப்பதாக தனது இன்ஸ்டாகிராம் பக்கத்தில் காதலனுடன் இருக்கும் புகைப்படத்தை வெளியிட்டு உறுதிப்படுத்தியிருந்தார்.
இந்த நிலையில், எம் ஜாக்சன் தனது காதலரான ஜார்ஜ் பனாயிட்டோவை திருமண நிச்சயதார்த்தம் செய்து கொண்டுள்ளார். நேற்று மாலை லண்டனில், இருவருக்கும் நிச்சயதார்த்தம் நடந்துள்ளது. இதையடுத்து, நடந்த பார்ட்டியில், இருவரும் கலந்து கொண்டு நடனமாடியுள்ளனர் என்பது குறிப்பிடத்தக்கது. ஆனால், எப்போது திருமணம் என்பது குறித்து அறிவிக்கவில்லை.
ஜார்ஜ் பனாயிட்டோ இங்கிலாந்தின் பெரிய தொழிலதிபரான ஆண்ட்ரீஸ் பனாயிட்டோவின் மகன். இவர்களுக்கு பார்க் பிளாசா, ஹில்டன், டபிள் ட்ரீ உள்ளிட்ட நட்சத்திர ஹோட்டல்கள் உள்ளது என்பது குறிப்பிடத்தக்கது.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
