தமிழ் சினிமாவில் லேடி சூப்பர்ஸ்டார் என்று அழைக்கப்படும் ஒரேயொரு நடிகை நயன்தாரா. முன்னணி நடிகையாக இருக்கிறார். வருடத்திற்கு பல படங்களில் நடித்து அதனை ஹிட்டாக்கி வருகிறார். சமீபத்தில் இவரது நடிப்பில் வந்த படம் இமைக்கா நொடிகள். இப்படம் ரசிகர்களிடையே நல்ல வரவேற்பைப் பெற்றுள்ளது. இப்படத்தில், நயன்தாராவுக்கு மகளாக நடித்து பாராட்டுகளை பெற்றவர் குழந்தை நடசத்திரம் மானஸ்வி. இவர் காமெடி நடிகர் கொட்டாச்சியின் மகள் என்பது குறிப்பிடத்தக்கது.
நயன் தாராவை கொடுமைப்படுத்த வரும் போலீஸ்காரரிடம் மானஸ்வி சொட்ட சொருகிடுவேன் என்று பேசும் வசனம் பிரபலமானது. இப்படத்தைத் தொடர்ந்து சதுரங்க வேட்டை 2 படத்தில் த்ரிஷாவுக்கு மகளாக நடிக்கிறார். இவ்வளவு ஏன், மாஸ் ஹீரோயினைப் போன்று கும்கி 2, பரமபதம் விளையாட்டு, இருட்டு, கண்மணி பாப்பா, சுட்டுப்பிடிக்க உத்தரவு உள்பட 20 படங்களில் மானஸ்வி பிஸியாக கமிட்டாகிவிட்டார். எனது மகள் நடித்த சில காட்சிகளை எடுத்து வீடியோவாக சமூக வலைதள பக்கத்தில் பகிர்ந்தேன் என்று கொட்டாச்சி கூறியுள்ளார்.
மேலும், இதனைப் பார்த்தப் பிறகு தான் மானஸ்விக்கு இமைக்கா நொடிகள் படத்தில் நடிக்கும் வாய்ப்பு வந்தது. நயன்தாரா மானஸ்வியுடன் பேசுவார். அதனால், அவரை எனது மகள் அம்மா என்று அழைக்கிறார் என்று கொட்டாச்சி குறிப்பிட்டுள்ளார்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
