தமிழின் பிரபல தொகுப்பாளினியான, டிடி என்னும் திவ்ய தர்ஷினி சிறிய இடைவேளைக்கு பிறகு தற்போது மீண்டும் தொலைக்காட்சி நிகழ்ச்சிகளை தொகுத்து வழங்க உள்ளார்.
பிரபல டிவி நிகழ்ச்சி தொகுப்பாளினி திவ்யதர்ஷினி என்கிற டிடி தனது பேச்சால் மிகவும் பிரபலமானார். டிவி நிகழ்ச்சிகள் தவிர்த்து சினிமா படங்களிலும் நடித்து வருகிறார். தற்போது கெளதம் மேனன் இயக்கத்தில் விக்ரம் நடித்துவரும் ‘துருவ நட்சத்திரம்’ படத்திலும், ராஜீவ் மேனன் இயக்கத்தில் ஜீ.வி.பிரகாஷ் நடித்துள்ள ‘சர்வம் தாளமயம்’ படத்திலும் டிடி நடித்துள்ளார்.
டிடிக்கும் அவரது நண்பர் ஸ்ரீகாந்த் ரவிச்சந்திரனுக்கும் கடந்த 2014ம் ஆண்டு ஜூன் மாதம் 29ம் தேதி திருமணம் நடைபெற்றது. இந்த நிலையில் இருவருக்கும் இடையே ஏற்பட்ட கருத்து வேறுபாட்டால் இருவரும் மனமார முன்வந்து விவகாரத்து செய்து கொண்டனர்.
குடும்ப வாழ்க்கையில் ஏற்பட்ட பிரச்சனையினால் சின்னத்திரையில் தலைகாட்டாமல் இருந்த டிடி, தற்போது மீண்டும் தொலைக்காட்சி நிகழ்ச்சிகளை தொகுத்து வழங்க உள்ளார். ‘என்கிட்ட மோதாதே’ என்ற இந்த நிகழ்ச்சி, வருகிற சனிக்கிழமை (ஏப்ரல் 21) முதல் இரவு 8.30 மணிக்கு ஒளிபரப்பாக இருக்கிறது. விஜய் டிவியில் ஒளிபரப்பாகும் சீரியல் நட்சத்திரங்கள் தான் இந்த நிகழ்ச்சியின் போட்டியாளர்கள்.
*இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி
