நடிகை கஸ்தூரி ட்விட்டரில் ரொம்பவே ஆக்டிவாக உள்ளார். சினிமா, அரசியல், நாட்டு நடப்பு என்று அனைத்து விஷயங்கள் பற்றியும் கருத்து தெரிவிக்கிறார்.
சில விஷயங்களில் துணிந்து கருத்து சொல்கிறார். அவரது துணிச்சலை பாராட்டுபவர்களும் உண்டு, எதிர்ப்பவர்களும் உண்டு.
அஜீத், விஜய் ஆகியோரின் பிளஸ் மற்றும் மைனஸ் பற்றி துணிச்சலாக கருத்து தெரிவிக்குமாறு ஒருவர் கஸ்தூரியிடம் ட்விட்டரில் கோரிக்கை விடுத்தார். அவரது கோரிக்கையை ஏற்று கஸ்தூரியும் கருத்து கூறியுள்ளார்.
விஜய்க்கு பிளஸ் எவர்கிரீன் லுக், அருமையான டான்ஸர், திறமையான நடிகர், வெறித்தனம் ரசிகர்கள். மைனஸ் ஸ்கிரிப்ட் தேர்வு, வெறித்தனம் ரசிகர்கள் என்று தெரிவித்துள்ளார் கஸ்தூரி.
அஜீத்துக்கு பிளஸ் அழகு, தானாக வெற்றி அடைந்தார், நேர்மையானவர், நல்லவர், உண்மையான ரசிகர்கள். மைனஸ் ஒரே தயாரிப்பாளர், ஒரே இயக்குனர், ஒரே ஸ்கிரிப்ட் என்கிறார் கஸ்தூரி.
போதும் தல சிவா இயக்கத்தில் நடித்தது என்று அஜீத் ரசிகர்களும் அவரிடம் கெஞ்சிக் கொண்டு தான் இருக்கிறார்கள். இந்நிலையில் கஸ்தூரியும் அதையே தெரிவித்துள்ளார்.
*இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி
