பேய் படத்தில் பிரபு தேவாவுக்கு ஜோடியாகும் காஜல் அகர்வால்

யாமிருக்க பயமேன் பட இயக்குனர் டிகே இயக்கும் பேய் படத்தில் பிரபுதேவாவுக்கு ஜோடியாக காஜல் அகர்வால் நடிக்க உள்ளதாக கூறப்படுகிறது.

தமிழ் சினிமாவில் முன்னணி நடிகையாக வலம் வருபவர் காஜல் அகர்வால். இவர் விஜய், அஜித் உள்ளிட்ட முன்னணி ஹீரோக்களுடன் ஜோடி சேர்ந்து நடித்துள்ளார். தமிழ், தெலுங்கு, இந்தி மொழி படங்களில் நடித்துள்ளார். இவருக்கு கடந்த சில மாதங்களுக்கு முன் கவுதம் கிச்சலு என்கிற தொழிலதிபருடன் திருமணம் நடந்தது. திருமணத்துக்கு பின்னும் படங்களில் பிசியாக நடித்து வருகிறார்.

இவர் தெலுங்கில் சிரஞ்சீவியுடன் ஆச்சார்யா, தமிழில் கமலின் இந்தியன் 2 மற்றும் கல்யாண் இயக்கும் கோஸ்ட்டி போன்ற படங்களை கைவசம் வைத்துள்ளார். இதுதவிர யாமிருக்க பயமேன் பட இயக்குனர் டிகே இயக்கும் பேய் படத்திலும் நடிக்க ஒப்பந்தமாகி உள்ளார்.

இந்நிலையில், அந்த படத்தில் பிரபுதேவா ஹீரோவாக நடிக்க உள்ளதாக தகவல் வெளியாகி உள்ளது. இதன்மூலம் அவர் முதன்முறையாக காஜல் அகர்வாலுடன் ஜோடி சேர உள்ளார். இதுதவிர மேலும் இரண்டு ஹீரோயின்களும் படத்தில் நடிக்க உள்ளதாக கூறப்படுகிறது.

* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!